د۱ ۱۴۰ کال، حمل ۳۱مه، پکتیا پوهنتون
د۱ ۱۴۰ کال، حمل ۳۱مه، پکتیا پوهنتون
نن چهار شنبه د پکـتیا پوهنتون په ریاست مقام کې د علمي شورا نوبتي ناسته وشوه.
دغه ناسته د پکـتیا پوهــــــــــنتون د رئیس پوهنمل عبیدالله اخندزاده تر رهبرۍ لاندې چې علمـي مرستیال پوهنمل سیف الرحمن روهي، محــصلانو چارو مرستیـال پوهنمل نقیب الله ځاځي، مالــي او اداري چـارو مرستیال سیف الله محمدي ، د تضمین کیفــیت امر ، پوهـــــــنځیو رئيسانو او استادانو پکې ګډون درلوده وشوه.
د ناستې په پیـــل کې د قرانکریم څو مبـارک ایاتونه تلاوت شول ، وروسته د پکتیا پوهنتــــون رئیس پـوهنمل عبیدالله اخندزاده د ناستـې ګډونوالو ته د ښه راغـــــلاست ترڅنګ د پسرلني سمستر پر پیل خوښي وښوده.
پوهنتون رئیس وویل استـادان باید پر خپل وخت تدریس ته حاضر شي او غیــــــر حاضري یې ورته په هیڅ صورت کې د منلو وړ نه ده.
ورپسې علمي مرســــــتیال پوهنمل سیف الرحمن روهي د یو شمــــېر نورو موضوعاتو تر څنګ، د جنوب ختیځ زون کادري ازموینــــــــې لپاره پر چمتوالي خبرې وکړې او په خبره یې د خالي کادري بستونو لپاره مسلکي ازموینه یې له وزارت سره په همغږي د ثور میاشتې په پنځمه نېټه اعلان کړې.
د یـادونې وړ بـولو چې ناسته کې پر بېلا بېلو موضــــــوعاتو لکــــــه:د اســتادانو پر عـلــمي ترفیــعاتو، د علـــــــمي رتبو پر تثبیت ،انفکاک، د ځینو ډيپارټمـــنټو د چارو پر انسجام او په اجنډا کې شاملو نورو موضوعاتو بحث وشو، او د ځیــــنو مسایلو په اړه وروستی تصمیم هم ونیول شو.
ناسته د پوهنتون رئیس لخوا د اختتامیه دعا په ویلو سره پای ته ورسېده.
نشراتو او عامه اړیکو عمومي مدیریت
