د قلم علمي ـ څېړنیزې مجلې د هئیت تحریر کمېټې ناسته ترسره شوه.
د قلم علمي ـ څېړنیزې مجلې د هئیت تحریر کمېټې ناسته ترسره شوه.
نن ۱۴۴۷/۲/۱۷ مې نېټې سره سمون لري د علمي مجلې آمریت اړوند قلم علمي ـ څېړنیزې مجلې د ټولنیزو علومو د هئیت تحریر کمېټې ناسته ترسره شوه چې د یادې کمېټې د ټولنیزو علومو ټولو غړو پکې ګډون درلود.
یاده ناسته د معمول سره سم د قران پاک په څو مبارکو ایاتونو باندې پیل شوه.
د یادې ناستې د پیل وینا کې د علمې مجلې آمر پوهندوی سید صدرالدین هاشمي د کمېټې له غړو څخه مننه وکړه چې د درسي مصروفیتونو سره سره په دې ډول ناستو کې ګډون کوي.
ناسته کې د قلم علمي ـ څېړنیزې مجلې د ۲۱ مې ګڼې د چاپ لپاره راغلې دټولنیزو علومو مقالو باندې بحث وشو او د قلم علمي ـ څېړنیزې مجلې د اصولو او فارمټ سره وکتل شوې چې وروسته د کمېټې د غړو له لوری ورباندې لازمې پرېکړې ترسره شوې.
یاده ناسته کې د اجنډا سره سم په یولړ نورو موضوعاتو هم بحث وشو او په ورستیو کې ناسته د دعایې په ویلو سره پای ته ورسېده.
