پکتیا پوهنتون د منځ سړکونو د یوې برخې چارې بشپړې شوې
پکتیا پوهنتون د منځ سړکونو د یوې برخې چارې بشپړې شوې!
یکشنبه ۶/۴/۱۴۰۰
دا پروژه چې د ولایتي غیر مشروطې بودېجې څخه د افغان دولت په مالي ملاتړ جوړه شوي، نن یې رسماً د ولایت مقام د محترم مرستیال والي الحاج عبدالولی سهي، د پوهنتون قدرمن رئیس پوهندوی دوکتور سیدولي جلالزي، د سکتور رئیس ښاغلي انجینر سلطان احمدزي، د ټولګټو چارو درانه رئیس، د قبایلو چارو قدرمن رئیس الله میر بهرام زوی، د پوهنتون د محصلانو او اداري چارو درنو مرستیالانو ترڅنګ د پوهنتون یو شمیر محترمو استادانو او. زیارکښو اداري کارمندانو پرانیسته وکړه.
د پکتیا پوهنتون دروند رییس پوهندوی دوکتور سیدولي جلالزی او د پوهنتون اداره دې برخه کې د پکتیا پخوانی والي او سیمه ایزو ارګانونو قدرمن رئیس شمیم خان کټوازي، پکتیا والي محترم حلیم فدایي، لوړو زده کړو قدرمن وزیر، د کلیو پراختیا پخوانی وزیر قدرمن پوهندوی مجیب الرحمن کریمي، د مالیې وزارت پخوانی محترم اداري رییس او د پکتیا ولایت پخوانی مستوفي الحاج عظیم خان څخه د زړه له تله مننه کوي چې د دې پروژې د بودیجې په انتقال کې یې له پوهنتون سره همکاري کړي وه.
دا سړک چې ۶۰۰ متره اوږدوالي او ۶ متره سور لري همدارنګه په دواړو څنډو کې د ګلدان په درلودو سره په اساسی او مستحکم ډول جوړ شوي دي.
انشاالله دا هېواد به ابادیږي او سوله به راځي.
د سوکاله او پرمختللي افغانستان لیدو په هیله
اداره
