پکتیا پوهنتون د پکتیا پوهنې ریاست سره په همغږي ددې ولایت اړوند په بېلا بېلو ولسوالیو کې د ښوونځیو زده کوونکو ته د کانکور له پروسې سره د بلدتیا او پکتیا پوهنتون سره د اشنایي په موخه د عامه پوهاوي ځانګړي سمینارونه دائر کړل
پکتیا پوهنتون د پکتیا پوهنې ریاست سره په همغږي ددې ولایت اړوند په بېلا بېلو ولسوالیو کې د ښوونځیو زده کوونکو ته د کانکور له پروسې سره د بلدتیا او پکتیا پوهنتون سره د اشنایي په موخه د عامه پوهاوي ځانګړي سمینارونه دائر کړل
یکشنبه د ۱۴۴۷ هـ.ق کال د ذوالقعدې میاشتې په ( ۳۰) نېټه، چې د ۱۴۰۵ هـ.ش کال د ثور میاشتې له ( ۲۷) مې نېټې سره سمون لري، پکتیا پوهنتون د پکتیا پوهنې ریاست سره په همغږي ددې ولایت اړوند په بېلا بېلو ولسوالیو کې د ښوونځیو زده کوونکو ته د کانکور پروسې سره د بلدتیا او له پکتیا پوهنتون سره د اشنایي په موخه د عامه پوهاوي ځانګړي سمینارونه دائر کړل
دغه ځانګړي سمینارونه چې د پکتیا ولایت د زرمت، روحاني بابا، جانیخیلو، پټان، څمکنیو، اریوب ځاځیو، احمد خیلو، میرزکې، لجه منګل، سیدکرم ولسوالیو زده کوونکو ته په پنځو محلونو کې دائر شوي و، زده کوونکو ته د کانکور په ازموینو کې پر خانو تورولو، انتخاب، کوډ رشتې او اړوند مسایلو باندې د ښه پوهاوي په موخه مالومات ورکړل شول او همدارنګه د پکتیا پوهنتون ددې پوهنتون پر امکاناتو، سهولتونو، د پوهنځیو او څانګو په اړه هم لازم پوهاوی ورکړل شو.
د یادونې وړ دی، چې سبا دوشنبه به د مرکز په شمول د احمدابا، وزې ځدراڼ، شواک او ګردې څېړۍ زده کوونکو ته د عامه پوهاوي دغه سمینار د پوهنتون د ناستو په عمومي تالار کې دائر شي
