د پکتیا پوهنتون علمي څېړنو معاونیت اړوند د علمي مجلې آمریت د قلم علمي او څېړنیزې مجلې لپاره د مقالو پر نوي فارمټ د مسلکي پرمختیا آمریت په تالار کې یو ورځنی سمینار دائر کړ.
د پکتیا پوهنتون علمي څېړنو معاونیت اړوند د علمي مجلې آمریت د قلم علمي او څېړنیزې مجلې لپاره د مقالو پر نوي فارمټ د مسلکي پرمختیا آمریت په تالار کې یو ورځنی سمینار دائر کړ.
په جوړ شوي سمینار کې چې د پوهنتون علمي څېړنو مرستیال پوهندوی دوکتور عبدالوهاب حکمت، د بېلابېلو برخو آمرینو او استادانو ګډون درلوده، پیل یې د پوهنتون د دعوت او ارشاد آمر مولوي محمد خان روحاني له لوري د قران پاک په څو مبارکو ایاتونو سره وشو.
لومړی د پوهنتون د علمي څېړنو مرستیال دوکتور عبدالوهاب حکمت د جوړ شوي سمینار پر ارزښت او آهمیت خبرې وکړې.
ښاغلي حکمت همدارنګه هیله څرګنده کړه، چې یو وخت به قلم علمي مجله په ملي سطحه نه بلکې په نړیواله سطحه و اوسیږي او تر څنګ به یې پکتیا پوهنتون یو شمېر نور نړیوال ژورنالونه هم ولري.
علمي څېړنو مرستیال همدارنګه له استادانو څخه غوښتنه وکړه، چې د مقالو پر لیکلو او مجلې ته یې په رالیږلو کې له پوره غور او دقت څخه کار واخلي کوشش دې دا وکړي، چې مقالې یې پوره ارزښت ولري.
ورپسې د پوهنتون د ژبو او ادبیاتو پوهنځي استاد او د قلم علمي مجلې مسؤل مدیر پوهنمل نورالله شاداب د قلم علمي او څېړنیزې مجلې لپاره د مقالو پر فارمټ ترتیب کړی پریزینټېشن ارایه او د ګډونوالو پوښتنو ته یې ځوابونه ورکړل.
