پکتیا پوهنتون کې د ژبو او ادبیاتو پوهنځي د ژورنالیزم څانګې بېلا بېلو ټولګیو محصلانو ته درې ورځنی روزنیز ورکشاپ پای ته ورسېده.
کتیا پوهنتون کې د ژبو او ادبیاتو پوهنځي د ژورنالیزم څانګې بېلا بېلو ټولګیو محصلانو ته درې ورځنی روزنیز ورکشاپ پای ته ورسېده.
چهارشنبه د ۱۴۴۶ کال ذوالقعدې میاشتې ۱۶مه، چـــــې د ۱۴۰۴ ه ش کال غويي میاشتې له ۲۴مې سره سمون لري، پکتیا پوهنتون کې محصلانو چارو معاونیت اړوند د محصلانو خدمتونو او همغږي آمریت له لوري د ژبو او ادبیاتو پوهنځي د ژورنالیزم څانګې بېلا بېلو ټولګیو محصلانو ته درې ورځنی روزنیز ورکشاپ پای ته ورسېده.
د ورکشاپ د پای په مراسمو کې د پکتیا پوهنتون محصلانو چارو مرستیال اصف الرحمن خپلواک، د پکتیا اطلاعاتو او فرهنګ ریاست د نشراتو آمر نیازالله اصیل ځاځي او محصلانو برخه درلوده.
د پکتیا پوهنتون محصلانو چارو مرستیال د دغه درې ورځني ورکشاپ د پای په مراسمو کې د اطلاعاتو او فرهنګ ریاست له همکاریو څخه پر مننې د ژورنالیزم څانګې له محصلانو څخه غوښتنه وکړه، چې هر ډول برنامې او پروګرامونه د دوی پر فکر ګټور وي له دوی سره دې موضوعات شریک کړي، چې ورته د برابرولو په برخه کې یې لازم اجرات وکړي.
د یادونې وړ دی، چې بل خوا د پکتیا پوهنتون ژبو او ادبیاتو پوهنځي اړوند ژورنالیزم څانګې محصلان دا ډول ورکشاپونه، پروګرامونه او برنامې چې پر اساس یې دوی ډېر څه په عملي بڼه زده کوي خورا اړینې یادوي او غوښتنه یې دا دی، څو ورته دا ډول نورې برنامې هم دائرې شي.
