د پکتیا پوهنتون علمي شورا نوبتي ناسته دائره شوه.
د پکتیا پوهنتون علمي شورا نوبتي ناسته دائره شوه.
سه شنبه د ۱۴۴۷ ه ق کال محرم الحرام میاشتې ۲۶مه، چې د ۱۴۰۴ ه ش کال چنګاښ میاشتې له ۳۱مې، سره سمون لري، د پکتیا پوهنتون علمي شورا نوبتي ناسته دائره شوه.
علمي شورا نوبتي ناسته کې چې د پوهنتون رئیس مولوي صاحب عبدالحکیم حمدي سربېره د پوهنتون مرستیالانو، د پوهنځیو رئیسانو او د یو شمېر آمرینو برخه درلوده، پیل یې د قران پاک په څو مبارکو ایاتونو سره وشو.
لومړی د پکتیا پوهنتون رئیس مولوي صاحب عبدالحکیم حمدي د ناستې برخوالو ته د ښه راغلاست او هرکلي ویلو ترڅنګ د کیفیت لوړاوي په برخه کې د چارو او فعالیتونو پر چټکوالي له برخوالو سره مالومات شریک کړل.
پوهنتون رئیس همدارنګه د علمي شورا له برخوالو وغوښتل هڅه دې دا وکړي، چې د چارو اړوند مسؤلین خپلو چارو او کارونو ته پوره متوجې کړي، څو یې چارې ورسره منظمې او لا ګړندۍ شي.
وروسته د علمي شورا نوبتي ناسته کې له ترتیب شوې اجنډا سره سم پر بېلا بېلو موضوعاتو لکه: د معاونیتونو او پوهنځيو پر راپورنو، د یو شمېر څانګو د چارو پر انسجام، د استادانو د تقرر او ترفېعاتو پر دوسیو او یو شمېر نورو موضوعاتو بحث وشو او په اړه یې لازم تصامیم هم ونیول شول.
