د پکتیا پوهنتون له ژبو او ادبیاتو پوهنځي څخه (۸۱)تنه محصلین فارغ او ټولنې ته د خدمت کولو په موخه وړاندې شول.
د پکتیا پوهنتون له ژبو او ادبیاتو پوهنځي څخه (۸۱)تنه محصلین فارغ او ټولنې ته د خدمت کولو په موخه وړاندې شول.
یکشنبه د ۱۴۴۷ ه ق کال صفرالمظفــــــــــــــــــــــــــــــــر میاشتې ۲۳مه، چــــــــــــــــــــــې د ۱۴۰۴ ه ش کال زمري میاشتې له ۲۶مې، سره سمون لري، د پکتیا پوهنتون د ژبو او ادبیاتو پوهنځي له څلورو څانګو څخه (۸۱)تنه محصلین فارغ او ټولنې ته د خدمت کولو په موخه وړاندې شول.
په دې مناسبت جوړو شویو مراسمو کې چې د پکتیا پوهنتون رئیس مولوي صاحب عبدالحکیم حمدي، د پوهنتون محصلانو چارو مرستیال، پوهنتون استادانو، فارغ التحصیل محصلانو او راغلو مېلمنو برخه درلوده، پیل یې د قران پاک په څو مبارکو ایاتونو سره وشو.
لومړی د پکتیا پوهنتون اړوند د ژبو او ادبیاتو پوهنځي مرستیال پوهنمل نوراغا نوري د غونډې برخوالو ته ښه راغلاست او هرکلی وویلو او د پوهنتون رهبري، استادانو، فارغ التحصیل محصلانو او د کورنۍ غړو ته یې د فراغت په ویاړ مبارکي وویله.
ښاغلي نوري همدارنګه د ژبو او ادبیاتو پوهنځي پر کړنو، فعالیتونو او لاسته راوړنو باندې هم له برخوالو سره مالومات شریک کړل .
ورپسې د پکتیا پوهنتون رئیس مولوي صاحب عبدالحکیم حمدي غونډې ته د علم، پوهې او عصري زده کړو پر ارزښت او اهمیت باندې خبرې او وینا وکړه.
ښاغلي حمدي همدارنګه فارغ التحصیل محصلان وهڅول څو د ټولنې غوښتنې او اړتیاوې په نظر کې وساتي، د خپل مسؤلیت له مخې په مسلکي ډول هغه څه ترسره کړي، کوم چې د ټولنې غوښتنه او اړتیا دی.
پوهنتون رئیس فارغ التحصیل محصلان وهڅول څو لوړو زده کړو ته دې دوام ورکړي، پر لیسانس باندې ورته بسنه کول کفایت نه کوي، بلکې هڅه دې دا وکړي څو تر ماسټري او دوکتورا پورې زده کړې وکړي.
غونډې ته د محصلانو چارو مرستیال اصف الرحمن خپلواک د وینا پر مهال فارغ التحصیل محصلانو ته په خطاب کې وویل د داسې رسنیو چې هغه د نورو پر لمسون کار کوي نه ښکار کیږي، بلکې حقیقت دې درک کړي او د الله ج له لوري د ورکړل شوي ادارک له مخې دې ژوند او کار وکړي.
ښاغلي خپلواک په خپلو خبرو کې فارغ التحصیل محصلان وهڅول چې د اسلامي نظام خدمت او پکې په پوره اخلاص سره دنده او مسؤلیت اجرا کول ضروري دي.
ورپسې د پکتیا پوهنتون د دعوت او ارشاد آمر مولوي صاحب محمدخان روحاني د وینا پر مهال د ژبو او ادابیاتو پوهنځي څخه فارغ التحصیل محصلانو ته په خطاب کې وویل چې تاسو مسؤلیت لرئ، څو د تر لاسه کړیو زده کړو څخه پر استفادې ټولنې او جامعې ته ریښتونی خدمت وکړئ.
د یادونې وړ دی، چې د ژبو او ادبیاتو پوهنځي محصلانو فراغت غونډه فارغ التحصیل محصلانو ته د ستاینلیکونو او تصدیق پاڼو پر وېشلو سره پای ته ورسېدله.
