مننه او کور ودان

مننه او کور ودان
پکتیا پوهنتون ته د زاړه هوایي میدان د(۳۱۳) جریبه ځمکې انتقال عادي بحث او اسانه کار نه وو.بالاخره دا کار وشو او دا دی الحمدالله د هېواد جمهور رییس یوه ژمنه پوره شوه چې ډېرو خلکو ناممکنه او هوایي کمپایني ژمنه بلله.
په دې برخه کې تر بل هر چا وړاندې د هیواد د محبوب او اکاډمیک جمهور رییس محمد اشرف غني څخه مننه چې د دې ځمکې د انتقال په اړه یې د پکتیا ولسونو غوښتنه ومنله او دا حکم یې ورکړ، چې دې برخه کې له والي صیب شمیم خان کټوازی هم ځانګړې مننه په کار ده.
د هېواد د کلیو بیارغونې او پراختیا وزیر مې بار بار د دې ځمکې په انتقال تکلیف کړی، د هېواد جمهور رییس ته یې په لسګونو ځله د پوهنتون دا غوښتنه رسمي او مستقیمه رسولې ده، شپه او ورځ یې نه ده کتلې او لکه د یوه خپل مسوولیت داسې برخورد یې ورسره کړی، د خپلو ډېرو چارو څخه یې دا موضوع جدي تعقیب کړې او هر وخت یې له ځمکو او ښارجوړونې وزارت سره پرې خبرې کړې، مجلسونه یې نیولې او ځان پرې تکلیف کړی دی.
د چارو ادارې تخنیکي مرستیال بشرمل صیب او د جمهور رییس سکرتر ځیرک صیب دې هم کور ودان وي چې په چارو ادارې او جمهوري ریاست کې یې دا چاره تعقیب کړه.
د هېواد د کوچیانو چارو د سمون او انسجام رییس او د نوي فکر مشر استاد حبیب الرحمن او د لوړو زده کړو وزیر بالاکرزي صیب دې هم کور ودان وي چې وخت په وخت یې دا کار د ښارجوړونې او ځمکو وزارت سره تعقیب کړی او پوښتنه یې کړې ده.
د هېواد د مشرانو جرګې قدرمن مشر مسلمیار صیب، د ځمکو او ښار جوړونې وزیر پیکار، په چارو اداره کې ملګرو فیض الله غمخور، نجیب هاند او مجاهد شاه کریمي، د پکتیا ولایت څخه په ولسي جرګه کې درنو او پتمنو استازو غښتلي صیب، ډاکټر صیب یارباز او نصیب مقبل، د ولسمشر ځانکړی سلاکار ضيآالحق امرخيل ، د پکتيا د ځمکو پخوانی رییس حکیم جان مفکر،په ټوله کې ټولو هغو کسانو څخه نړۍ نړۍ مننه چې په دې برخه کې یې حتی یو عادي قدم هم اخیستی دی.
زه خوښ یم چې د پوهنتون لپاره مو د خپلو ملګرو او کاري ټیم په ملتیا دا ستر خدمت ترسره کړ او د راتلونکي زیربنایي چارو او پراختیا لپاره مو یو ستر ارمان پوره شو.
زه بیا هم له ټولو دوستانو مننه کوم، ممکن دلته یې رانه نوم اخیستل پاتې شوي وي خو خدمات به یې انشاالله تل پاتې او دا کار به یې د هېرولو نه وي.
درنښت، مینه او مننه
د پکتیا پوهنتون رییس
پوهندوی دوکتور سیدولي جلالزی
کاپي

Image may contain: 2 people, people smiling, people standing and beard