دپکتيا پوهنتون دعلمي چارومرستيال لنډه پېژندنه

د پکتیا پوهنتون د علمي چارو مرستیال لنډه پیژندنه

Email: ahmadia209@gmail.com

Phone No: +93782919584, +93748884798
 
 
الحاج پوهنمل دوکتور عبدالله احمدي د الحاج مدیر خیرګل  زوی په ۱۳۵۷ ل. ل. کال  په یوه روڼ انده او متدینه کورنۍ د وردګو ولایت په سید اباد ولسوالۍ د تنګي په دره کې دې نړۍ ته سترګې پرانیستي دي. نوموړي تر دولسم ټولګي پورې د خپلې سیمې په امام ابوحنیفه (رح)  په عالي لیسه کې زده کړې کړي دي، په ۱۳۷۵ ل. ل. کال کې له ښونځي څخه تر فراغت او د کانکور تر ازموینې وروسته د کابل پوهنتون کرنې پوهنخي ته بریالی او په ۱۳۷۹ ل. ل. کال کې له همدې پوهنځي څخه په لوړو نومرو فارغ شو. له پوهنتون څخه تر فراغت وروسته د خپلې سیمې په یو ښونځي کې د ښوونکي په توګه په دنده و ګمارل شو او د هیواد د بچیانو په ښونه او روزنه یی پیل وکړ.
پوهنمل احمدي په ۱۳۸۵ ل. ل. کال کې د لوړو زده کړووزارت څخه تر ازموینې وروسته د پکتیا پوهنتون د کرنې په پوهنځي کی د استاد په توګه مقرر او په ۱۳۸۶ ل. ل. کال کې هندوستان هیواد ته لاړ او هلته یې د بنګلور د کرنې له پوهنتون څخه د ماسترۍ سند تر لاسه کړ. هیواد ته له را ستنیدو وروسته یی یو ځل بیا په پکتیا پوهنتون کې د استادې دندې ته ادامه ورکړه  او په ۱۳۹۱ ل.ل. کال کې په همدې پوهنتون کې د اداري اصلاحاتو او ملکي خدماتو خپلواک کمسیون له لارې د اداري او مالي چارود مرستیال په توګه و ټاکل شو. نوموړی په ۱۳۹۳ ل. ل. کال کې یو ځل بیا د هیواد څخه بهر د دوکتورا زده کړو په موخه د سعودي عربستان هیواد ته ولاړ او د کینګ عبدالعزیز پوهنتون څخه یې په ۱۳۹۶ ل.ل. کال کې د دوکتورا سند تر لاسه کړ او له راستنیدو وروسته یی د پکتیا پوهنتون په یاد پوهنځې کې د استادې دندي ته ادامه ورکړه. پوهنمل دوکتور عبدالله احمدی په ۱۳۹۷ ل. ل. کال کې د لوړو زده کړو وزارت له خوا د پکتیا پوهنتون د علمي چارو د مرستیال په توګه پیشنهاد او د ولسمشر د حکم په اساس په دنده و ګمارل شو چی لا هم د استادې سربیره نوموړې دنده پرغاړه لري.