دپکتیا پوهنتون دمحصلانودچارومرستيال لنډه پېژندنه

 

د محصلانوچارو د مرستيال لنډ ژوند لیک

 

 

Phone:+ 0093(0)776769080

                                                    Naqibzazai99@gmail.com                       

ښاغلی پوهنيار نقيب الله ځاځی د صالح محمد زوی چې په ۱۳۶۶ هـ ل کال کې په کابل کې زيږيدلی دی د ژوند لومړنی څومياشتې يي کابل کې تيرې کړي دي له هغې وروسته خپل پلرني ټاټوبي پکتيا ولايت اريوب ځاځيو ولسوالی اميرخيلو کلي ته کډه شو.هلته له يوې مودې تيريدو وروسته په هيواد کې د موجوده ناخوالو له امله کرمې ايجنسی ته په هجرت کولو مجبور شو تر ۷ کلنی يي هلته ژوند کاوه او وروسته بيرته خپل پلرني ټاټوبي اريوب ځاځيو ولسوالی اميرخيلو کلي ته راستون شو. په ۷ کلنی کې په ۱۳۷۲ هـ ل کې ښونځي ته شامل شو او د شهيد انجينير خيال محمد  په منځني ښونځي کې يي خپلې زده کړې له لومړي ټولګي څخه پيل کړې  او تر نهم ټولګي پورې زده کړې يي په همدې ښونځي کې سرته ورسولې . نهم ټولګي څخه له فراغت وروسته په ۱۳۸۱ هـ ل کال کې د کابل حربي ښونځي ته ولاړ له يوه کال تيريدو وروسته حربي ښونځی لغوه شو او ترلغوه کيدو وروسته په ۱۳۸۲ هـ ل کال کې نوموړی بيرته اريوب ليسې ته تبديل شو او يولسم ټولګی يي په اريوب ليسه کې په برياليتوب سره پای ته ورساوه ، له هغې وروسته د ځينو ستونځو له امله نوموړی په ۱۳۸۳ هـ ل کال کې کابل خوشحال خان عالي ليسې ته تبديل شو او په ۱۳۸۳ هـ ل کال کې د همدې ليسې له دولسم ټولګي څخه د فراغت سند ترلاسه کړه او په همدې کال کې يي د کانکور په ازموينه کې ګډون وکړه او د شيخ زايد پوهنتون انجينري پوهنځي سيول ځانګې ته بريالی شو.نوموړې پوهنځي ته په ۱۳۸۴ هـ ل کې شامل او د پنځه کلنې تحصيلي دورې له تيريدو وروسته په ۱۳۸۸ هـ ل له ياد پوهنتون څخه فارغ شو. دوه کاله يي د هيواد په مختلفو برخو کې خدمت وکړه او په ۱۳۹۰ هـ ل کال کې د ازاد رقابت له لارې د پکتيا پوهنتون په انجينري پوهنځي سيول څانګه کې د استاد په حيث مقرر شو. له يو څه مودې تيريدو وروسته د ده د ښو کړنو له امله نوموړی په۱۳۹۱ هـ ل کال کې د سيول څانګې د امر په حيث وټاکل شواو په همدې کال کې د پوهنتون د رهبری لخوا د يادې پوهنځی د معاون په حيث يي دنده پيل کړه . د نوموړي د ښوکړنو له امله د پوهنتون د ادارې په پشنهاد نوموړی د پوهنځي سرپرست رئيس وټاکل شو له ۳ کاله دندې اجراء کولو وروسته نوموړی په ۱۳۹۴ هـ ل کال کې هندوستان هيواد ته د ماسټري زده کړو لپاره ولاړ او د سيول انجينري په سترکچر برخه کې يي خپله ماسټري په برياليتوب سره سرته ورسوله او په ۱۳۹۶ هـ ل کال کې بيرته هيواد ته راستون شو او بيرته يي خپلې دندې ته دوام ورکړه او په ۱۳۹۶ کال کې بيرته د پوهنتون د رهبری په غوښتنه د انجينري پوهنځي د سرپرست رئيس په توکه وټاکل شو، وروسته بيا د پوهنتون د رهبری لخوا په 1397 کال د سرطان د مياشتې په 06 نيټه د اداري چارو معاونيت سرپرست وټاکل شو چې تر يوڅه مودې تيريدو وروسته د لوړو زده کړو وزارت په پشنهاد او د هيواد د ولسمشر محمد اشرف غني د حکم په اساس په 1397 کال د ميزان مياشتې په 14 نيټه د محصلانو چارو مرستيال وټاکل شو او تر دې دمه ياده دنده پرمخ وړي

پوهنيار نقيب الله ځاځی

د محصلانو چارو مرستيال