دکرنې پوهنځی درئيس لنډه پېژندنه

دکرنې پوهنځی درئيس لنډه پېژندنه

 

بسم الله الرحمن الرحیم

 

د کرنی پوهنځی د ریس لنډه پېژندنه

نوم: پوهنمل دکتور عبدالوهاب حکمت

تحصیل درجه: دکتورا

دنده: د کرنی پوهنځی رییس

پوهنمل دکتور عبدالوهاب حکمت د غلام حضرت  زوي په ۱۹۸۶ کال کې د  پکتیا ولایت مرکز ګردیز د ګورمښیو کلی په یو علم پرور او متدین کورنی کې زیږدیلی دي. لومړنی زده کړی یې د کډوالی په مهال د پاکستان د پیښور سیمې اړونده د کمیشنری  په لومړنی ښوونځي کې او منځنۍ ، ثانوی زده کړی یې د شمشتو د حضرت قیس بن سعد په عالی لېسه کې پای ته رسولي.

پوهنمل دکتور عبدالوهاب خپل ددولسم سند د پکتیا مرکز ګردیز د عبدالحی ګردیزی عالی لیسی څخه په ۱۳۸۰ کال کی ترلاسه کړی.

پوهنمل دکتور عبدالوهاب حکمت تر کانکور ازموینې وروسته په ۲۰۰۱ کال کې کابل پوهنتون د کرنې په پوهنځی کې شامل او په ۲۰۰۵ کال کې د همدې پوهنځی د اګرانومي څانګې څخه د لوړو نمرو په اخیستلو سره په ښه درجه فارغ شو. پوهنمل دکتور عبدالوهاب حکمت تر فارغیدو سملاسي په ۲۰۰۶ کال کی د پکتیا پوهنتون، کرنې پوهنځی د اګرانومي په دیپارتمنت کې د استاد په صفت دنده پیل کړه.

پوهنمل دکتور عبدالوهاب حکمت یو کال وروسته په کال ۲۰۰۷ کی  د لوړو زده کړو لپاره د هندوستان هیواد د ICCR بورسونوته ګډون په موخه د لوړو زده کړو وزارت د هندوستان هیواد د بورسونو د رقابتی امتحان کی ګډون وکړ چی  د کامیابی نه وروسته د هندوستان هېواد د بنګلور نړیوال کرنیز پوهنتون ته ولېږل شو او هلته یې د هندوستان په یاد شوی پوهنتون کې د اګرانومی په څانګه کې د ماسټری زده کړي په ډېر لوړه درجه بشپړی کړی او په ۲۰۱۰ کال کې د ماستری پروګرام په بریالیتوب سره سرته ورسول او بیرته خپل هېواد ته راستون شو چې تر راستنیدو سره سم یې د پکتیا پوهنتون د کرنې پوهنځی د اګرانومي په دیپارتمنت کې د استاد په صفت خپلې دندې ته تر ۲۰۱۳ کاله پوری دوام ورکړ. چې په ۲۰۱۳ کال کی د لوړوزدکړو وزارت د ځانګړی بودیجی له لیاری یوځل بیا د هندوستان هیواد د اله اباد نړیوال کرنیز، تکنالوژی او ساینس پوهنتون ته د دکتورا لپاره ولیږل شوه چی په ۲۰۱۶ کال کی د دکتورا پروګرام د بشپړولو سره سم خپل هېواد ته راستون او بیرته یی خپلې سپیڅلی دندی استادۍ ته دوام ورکړ.چې په ۲۰۱۷  کال کې د پکتیا پوهنتون د اداری معاون په توګه دنده ترسره کړ او په ۲۰۱۸ کال کی د ولسمشر د ځانګړی حکم په اساس د کرنې پوهنځی د رئیس په توګه وګمارل شوه.

د یادونې وړ ده چې پوهنمل دوکتور عبدالوهاب حکمت په تیرو لسو کلونو کې د تدریس، څيړنې او اداری چارو ترڅنګ زیات شمېر څېړنېزی او غیری څېړنیزې مقالې لیکلي دي چې زیاتره یې څېړنیزې بڼه لری او په ملي او نړیوالو علمي مجلو او جورنالونو کې چاپ او نشر شوي دي