د ازموینې لمړۍ ورځې په بریا سره پای وموند!
د ازموینې لمړۍ ورځې په بریا سره پای وموند!
د ازموینې له پیل مخکې د سلا مشورو غونډه ترسره شوه. دا غونډه د پوهنتون رییس پوهندوی دوکتور سیدولي جلالزي تر مشرۍ لاندې د ازموینو د ملي ادارې د استازو، د پوهنتون علمي او محصلانو چارو مرستیالانو او د پوهنتون استادانو ترمنځ دایره شوه. غونډه د قرانکریم په مبارکو ایتونو د پوهنمل عبدالرحمن مبشر له خوا پیل شوه. ورپسې ښاغلي پوهندوی دکتور سیدولي جلالزي د ښه راغلاست ترڅنګ راغلي هیئت او د پوهنتون استادانو ته سپارښتنه وکړه چې زده کوونکو ته لازمې لارښوونې وکړي او په زده کوونکو له بېځایه فشار څخه ډډه وکړي. همدارنګه ښاغلي جلالزي زیاته کړه چې د ازموینې سمې او قانوني مخته بیونې برخه کې هم له توان ور اخوا همکاري وکړی.
د ازموینو ملي ادارې د استازو په مشرۍ محترم پوهنوال نصیراحمد محبت وینا وکړه او استادانو ته یې د ازموینې په شفاف اخیستلو ټینګار وکړ.
وروسته د پوهنتون د محصلان چارو درانه مرستیال پوهنیار نقیب الله ځاځي د تیرو ازموینو تجربو ته په کتو خپلې لازمې سپارښتنې له ګډونوالو سره شریکې کړې.
د غونډې په وروستیو کې د پوهنتون د علمي چارو مرستیال پوهنمل دوکتور عبدالله احمدي په لاسونو د زده کوونکو د نماینده ګانو او استادانو په حضور کې د ازموینو د پارچو صندوقونه پرانیستل شول.
ازموینه په خپل وخت پیل شوه او ډېر عالي ډول پای ته ورسیده.
درنښت
