د ۱۴۰۰ ه ش کال، کب ۲مه، پکتیا پوهنتون
د ۱۴۰۰ ه ش کال، کب ۲مه، پکتیا پوهنتون
دوشنبه د پکتیا پوهنتون رهبري شورا نوبتي ناسته په ریاست مقام کې چې مشري یې ددې پوهنتون رئیس پوهنمل عبیدالله اخندزاده کوله تر سره شوه.
غونډه کې د پکتیا پوهنتون مرستیالانو، پوهنځیو رئیسانو او استادانو برخه درلوده، د معمول په څېر د قرانکریم په څو مبارکو ایاتونو پیل شوه.
وروسته د پکتیا پوهنتون رئیس پوهنمل عبیدالله اخندزاده خبرې وکړې، نوموړي وویل: هغه ستونزې چې د تحصیلي ادارو پر وړاندې موجودې وې له منځه تللې او ډاډ یې ورکړ چې ژر به د پکتیا پوهنتون دروازه هم د محصلینو پر مخ پرانستل شي.
پوهنتون رئیس زیاته کړه، له رهبري شورا سره په ګډه یې په داسي پلان کار کړی، چې له مخې به يې د انجونو او هلکانو ټولګي جلا او د زده کړې یو خوندي چاپیریال برابر کړي.
نوموړي د انجونو لپاره د لیلې ستونزه هم حل وبلله او په خبره یې د روغنیاتو د پېرلو لپاره یې له وزارت څخه د کافي بودیجې منظوري اخیستې.
وروستیو کې د رهبري شورا ګډونوالو ترمنځ د يو شمېر مسائلو په موخه ازاد بحث وشو او د ځينو موضوعاتو په اړه پرېکړې هم وشوې.
ناسته د اختتامیه دعا په ویلو پای ته ورسېده.
د عامه اړیکو او نشراتو لوی مدیریت
