د ۱۴۰۰ کال، کب ۱۵ مه، پکتیا پوهنتون
د ۱۴۰۰ کال، کب ۱۵ مه، پکتیا پوهنتون
د لوړو زده کړو وزارت انجینري او تخنیکي ټیم د انجینر حفیظ الله کریمي په مشرۍ پکتیا پوهنتون کې له پراختیايي او رغنيزو پروژو څخه لیدنه او څارنه تر سره کړه.
د لوړو زده کړو وزارت انجینري ۷ کسیز ټیم، د پکتیا پوهنتون له رئیس پوهنمل عبیدالله اخندزاده، فوق العاده استازي قاضي عبدالواحد همت، علمي مرستیال پوهنمل سیف الرحمن روهي ، مالی او اداري مرستیال سیف الله محمدي او اداري کارمندانو سره وکتل او له هغوی یې وغوښتل چې د تدریسي او اداري ودانیو په ساتنه کې پوره پاملرنه وکړي
د یادونې وړ ده چې د لوړو زده کړو وزارت انجینري ټیم په پکتیا پوهنتون کې د دوو رغنیزو پروژو ( عمومي لابراتوار او طعام خوري) تعمیرونو د څارنې او تسلیمي په موخه پکتیا ته سفر کړی وه.
بل لور ته د پکتیا پوهنتون رهبري د انجینري او تخنیکي ټیم له راتګ څخه مننه وکړه او په پکتیا پوهنتون کې یې د ودانیو شته ستونزې له دوی سره شریکې کړې.
د نشراتو او عامه اړیکو عمومي مدیریت
