د ۱۴۰۲ کال، زمري ۱۵مه، پکتیا پـــوهنتون
د ۱۴۰۲ کال، زمري ۱۵مه، پکتیا پـــوهنتون
د پکتیا پوهنتون رئیس پوهنمل عبیدالله اخندزاده او محصلانو چارو مرستیال پوهنمل محمد نعیم وصال په پوهنځیو کې د زده کړیالانو له درسي بهیر څخه لېدنه وکړه.
د پکتیا پوهنتون رئیس پوهنمل عبیدالله اخندزاده د زده کړیالانو غوښتنې او پېشنهادات وا ورېدل او له هغوی یې څخه په درسي بهیر کې د لا زیاتو هڅو او کوښښونو غوښتنه وکړه.
د ښاغلي اخندزاده پر خبره شرایطو ته پر کتو وخت را رسېدلی چې ټول د علم او پوهې د حاصلولو لپاره ګام پورته کړو تر څو د ولس او ټولنې ریښتوني خادمان جوړ شو.
همدارنګه د محصلانو چارو مرستیال پوهنمل محمد نعیم وصال له زده کړیالانو غوښتنه وکړه، چې خپلې حاضري ته ځانګړې پاملرنه وکړي، دا ځکه هر څه چې زده کوي یا حاصلوي هغه په ټولګي کې د زده کړیال په شتون پوري اړه لري، چې څومره په ټولګي کې پاتي کیږي او له استاد څخه څومره استفاده او ګټه تر لاسه کوي.
بل خوا زده کړیالانو هم ټولګیو د مسؤلینو پر ورتګ خوښي څرګنده کړه، چې تل یې د دوی ستونزې او پېشنهادات اورېدلي او رسیده ګي یې ورته کړې.
نشراتو او عامه اړیکو عمومي مدیریت
