۱۴۰۰ ه ش کال، د جدي ۶ مه، پکتیا پوهنتون
۱۴۰۰ ه ش کال، د جدي ۶ مه، پکتیا پوهنتون
د پکتیا پوهنتون او بدني روزنې ریاست ترمنځ هوکړه لیک لاسلیک شو.
د دوشنبې په ورځ د پکتیا پوهنتون رئیس پوهنمل عبیدالله اخندزاده او د پکتیا بدني روزنې او المپیک رئیس نورالرحمن تسکین ترمنځ دغه هوکړه لیک لاسلیک شو، چې له مخې به یې د پکتیا پوهنتون استادانو او کارمندانو ته د ورزش علمي پروګرامونه برابر او محصلینو ته د ورزش په برخه کې لا ډیرې اسنتیاوې رامنځته شي.
د المپیک ریاست څخه د رئیس په شمول راغلي پلاوي د پکتیا پوهنتون له جمنازیوم څخه هم لیدنه وکړه، او په خبره یې چې د پکتیا ورزشي ځوانانو لپاره ډېر مناسب ځای دی.
د یادونې وړ دی، چې پکتیا پوهنتون تل هڅه کوي، تر څو د محصلینو لپاره د تحصیل تر څنګ د ورزش مناسب چاپیریال رامنځته کړي.
د عامه اړیکو او نشراتو مدیریت
