۱۴۴۵/۵/۱ پکتيا پوهنتون
۱۴۴۵/۵/۱ پکتيا پوهنتون
د پکتیا پوهنتون رهبري شورا نوبتي ناسته د پوهنتون د رئیس مولوي عبدالحکیم حمدي تر مشرۍ لاندې دایره شوه.
ناسته کـــې چــــې د مالي او اداري چارو مرستیال سیــــف الله محمدي، د پوهنځیو رئیسانو او د دعوت او ارشاد امر برخه درلوده، پیل یې له معمول سره سم د قران پاک په څو مبارکو ایاتونو سره وشو.
لومړی د پوهنتون رئیــس مولوي عبدالحکیم حمدي ګډونوالو ته د ښه راغلاست او هـــــرکلي ویلو ترڅنګ د رهبري شورا له غړو وغوښــــــتل چې تر ممــــــــکنه حده پورې دې هڅه وکړي، چې محصلین د مسلک ترڅنګ بشپړ فکري هم وروزل شي.
همدارنګه ښاغلــــــي حمدي د زده کړو او تعلیم پر ارزښت او د نوي نظام له لـوري د تعلیمي او تحصیلي ادارو پر بشپړ ملاتړ د ناستې له ګډونوالو سره مالومات شریک کړل.
ورپسې د دعوت او ارشاد امر مولوي محمد خان روحاني د سیرت او صورت جوړولو پر ارزښت او اهمیت له ګډونوالو سره مالومات شریک کړل.
ښاغلي روحاني همدارنګه د مشر تابه د فرمانونو پر بشپړ عملي کېدلو، په اداره کې همغږي رامنځته کول او د امر پر اطاعت کولو ټینګار وکړ.
وروسته ناسته کې د یو شمــــــېر مـوضوعاتو پر سر لکه: د ولایت مقام سره د پوهنتون میاشتنی راپور شریک کول، له راستنیدونکو مهاجرینو سره پر همکاري او د پوهنځیو د چارو پر انسجام د ګډونوالو ترمنځ ازاد بحث وشو او د ځینو مسائلو په اړه لازم تصامیم هم ونیول شول.
د رهبري شورا دغه ناسته هم د دعایـــــــې پر ویلو سره پای ته ورسېده.
نشراتو او عامه اړیکو عمومي مدیریت
