ترټولو غوره صدقې شعار لاندې (د نیالګیو کښېنولو کمپاین) په پوهنتون کې پیل کیږي!
ترټولو غوره صدقې شعار لاندې (د نیالګیو کښېنولو کمپاین) په پوهنتون کې پیل کیږي!
پکتیا پوهنتون د کرنې پوهنځي د اګرانومي څانګې محصل ښاغلي مطیع الله د پوهنتون د سر سبزي لپاره د مېوه لرونکو ونو (بادام، شپتالو او مڼو) د (۱۱۰) نیالګیو همکاري له پکتیا پوهنتون سره وکړه، چې د پوهنتون اداره یې دا چاره ستایي او د نوموړي له احساس څخه د زړه له تله مننه کوي. موږ د پکتیا ولایت له ټولو اتلو ولسونو، درنو وکیلانو، خدایي خدمتګارو مدني ټولنو، قدرمنو استادانو او زړه ته رانږدې محصلانو چې څنګه یې په تیر کې پکتیا پوهنتون ته په مختلفو برخو کې لاس ورکړی وو، چې سرسبزي هم پکې شاملیږي یو ځل بیا دا غږ کوو، چې د پوهنتون چاپیریال د لا ښکلا لپاره خپلې مرستې همکارۍ ونه سپموي او د کوچني افغانستان (پکتیا پوهنتون) په شنه کولو کې خپل ملي رسالت ادا کړي. موږ مو تل د احسان پوروړي یو دا ستاسو د هڅو او همکاریو برکت ده، چې پکتیا پوهنتون ورځ تر بلې د پرمختګ په لورې ګړندي ګامونه اخلي.
د ولایت مقام د اداري مجلس پریکړې په بنسټ باید هر دولتي کارمند یو یو نیال په خپله اداره کې کښېنوي؛ نو دېته په کتو له ټولو قدرمنو استادانو او درنو کارمندانو غوښتنه کوو، چې په دې برخه کې د تېر په څیر یو ځل بیا د خپل کور په سرسبز کولو کې همکاري وکړي.
د یو زرغون او سولې څخه برخمن افغانستان لیدو په هیله
