د ۱۴۰۱کال، کب ۲۲مه، پکتیا پوهنتون
پکتیا پوهنتون کې نویو ګمارل شویو استادانو ته د مسلکي پراختیا مرکز له لوري درې ورځنی ورکشاپ دائر شو.
په دغه ورکشاپ کې چې د پوهنتون رئیس پوهنمل عبیدالله اخندزاده او مرستیالانو سربېره نویو ګمارل شویو استادانو برخه درلوده، پیل یې د قران کریم په څو مبارکو ایاتونو سره وشو.
ورپسې د پکتیا پوهنتون رئیس پوهنمل عبیدالله اخندزاده خبرې وکړې، نوموړي نویو ګمارل شویو استادانو ته د دندو په پار مبارکي ویلو ترڅنګ، د استاد او ښوونکي دنده ډېره مقدسه یاده کړه او هغه یې د ټولنې او هیواد ریښتونی خادم وباله.
ښاغلي اخندزاده برابر شوی ورکشاپ ګټــــــور یاد کړ او د مسلکي پراختیا مرکز له مسؤلینو څخه یې هم مننه وکړه، چې ورکشاپ برابرولو ته یې لاره اواره کړې.
د یادونې وړ دی، چې له دغه درې ورځني ورکشاپ څخه موخه د تدریس میتود او اصولو ښودل همدارنګه نوي ګمارل شوي استادان د پوهنتون له چاپېریال سره بلدول دي.
د نشراتواو عامه اړیکو عمومي مدیریت
