د ۱۴۰۰ کال، کب ۲۸ مه، پکتیا پوهنتون
د ۱۴۰۰ کال، کب ۲۸ مه، پکتیا پوهنتون
نن شنبه د لوړو زده کړو وزارت یو لوړ رتبه پلاوی ددې وزارت د علمي معین دوکتور لطف الله خیر خواه په مشرۍ پکتیا پوهنتون ته په سفر راغلی وه.
په دې مناسبت د پکتیا پوهنتون ناستو په تالار کې جوړو شو مراسمو ته لومړی د پکتیا پوهنتون رئیس پوهنمل عبیدالله اخندزاده خبرې وکړې.
د پوهنتون رئیس پوهنمل عبیدالله اخندزاده له خپل اړخه د پکتیا پوهنتون په اړه پوره ډاډ ورکړ او په خبره یې داسي لويه ستونزه نشته چې دوی له ننګونو سره مخ کړي او کوچنۍ هغه به یې هم ژر حل شي.
ورپسې د لوړو زده کړو وزارت علمي معین دوکتور لطف الله خیر خواه د ناستې ګډونوالو ته په خپلو خبرو کې وویل ټول افغانان د زده کړو حق لري او هیڅ څوک د چا د زده کړو پر وړاندې خنډ نشي جوړیدلی.
هغه له پوهنتونونو څخه څارنه خپل مسؤلیت یاد کړ او پر خبره یې په دې برخه کې پر هیچا د احسان بارولو حق نه لري.
د لوړو زده کړو وزارت علمي معین په افغان نړیوال پوهنتون کې د ماسټري او دوکتورا پروګرامونو د پیلولو خبره هم وکړه .
د ښاغلي خیر خواه په خبره په ټولو پوهنتونونو کې د تعمیرونو او تجهیز په برخه کې ستونزې شته، خو د حل ژمنه یې وکړه.
د نشراتو او عامه اړیکو عمومي مدیریت
