پکتیا پوهنتون کې ددې پوهنتون، وردګ او پکتیکا لوړو زده کړو موسسو (۱۲) خالي کادري بستونو ته له (۸۱) تنه نوماندانو څخه د لوړو زده کړو وزارت هیئت په شتون کې تخصصي ازموینه واخیستل شوه.
پکتیا پوهنتون کې ددې پوهنتون، وردګ او پکتیکا لوړو زده کړو موسسو (۱۲) خالي کادري بستونو ته له (۸۱) تنه نوماندانو څخه د لوړو زده کړو وزارت هیئت په شتون کې تخصصي ازموینه واخیستل شوه.
سه شنبه د ۱۴۴۶ کال، شعبان په ۵مه، پکتیا پوهنتون کې ددې پوهنتون، وردګ او پکتیکا لوړو زده کړو موسسو (۱۲) خالي کادري بستونو ته له (۸۱) تنه نوماندانو څخه تخصصي ازموینه واخیستل شوه.
د ازموینې د پیل په مراسمو کې د پوهنتون رئیس مولوي عبدالحکیم حمدي د ازموینې برخوالو ته د ښه راغلاست ویلو ترڅنګ هغوی ته په تخصصي ازموینه کې د ګډون پر مسؤلیت مالومات ورکړل.
ښاغلي حمدي همدارنګه نوماندانو ته ډاډ ورکړ لکه څرنګه چې دوی ته د لوړو زده کړو وزارت د زون په سطحه د تخصصي ازموینو صلاحیت او مسؤلیت ورکړی، غواړي چې په ښه شکل سره دا مسؤلیت ادا او ترسره کړي.
ورپسې د پوهنتون علمي چارو مرستیال پوهنمل عبدالله مسلم د تخصصي ازموینو پر طریقه او رویش مالومات له ګډونوالو سره شریک کړل او ورڅخه یې غوښتنه وکړه چې په ازموینه کې د لاس وهنې په اړه دې هیڅ فکر نه کوي.
د یادونې وړ دی، چې پکتیا پوهنتون اوس د زون سربېره د یو شمېر نورو امارتي او خصوصي پوهنتونونو د کادري ازموینو مسؤلیت او صلاحیت پر غاړه لري، چې ورته مسلکي کادرونه جذب کړي.
