د پکتیا پوهنتون اداري ناسته د پوهنتون د مالي او اداري چارو مرستیال سیف الله محمدي تر مشرۍ لاندې دائره شوه.
د پکتیا پوهنتون اداري ناسته د پوهنتون د مالي او اداري چارو مرستیال سیف الله محمدي تر مشرۍ لاندې دائره شوه.
یکشنبه د ۱۴۴۶ کال رمضان میاشتې په ۲۳، چې د حمل میاشتې له درېیمې سره سمون لري، د پکتیا پوهنتون اداري ناسته د پوهنتون د مالي او اداري چارو مرستیال سیف الله محمدي تر مشرۍ لاندې دائره شوه.
ناسته کې چې د پوهنتون رئیس مولوي صاحب عبدالحکیم حمدي، بېلا بېلو شعبو امرینو او اداري کارمندانو برخه درلوده، پیل یې د قران پاک په څو مبارکو ایاتونو سره وشو.
لومړی د پوهنتون مالي او اداري چارو مرستیال سیف الله محمدي د اداري مجلس برخوالو ته د ښه راغلاست او هرکلي ویلو ترڅنګ له هغوئ څخه د زړه له تله مننه وکړه، چې په تېر ۱۴۰۳ هجري شمسي کال کې یې ورته سپارل شوي مسؤلیتونه په پوره اخلاص سره ترسره کړي او په پیل شوي ۱۴۰۴ هجري شمسي کال کې یې هم ورڅخه د غوره فعالیتونو د ترسره کولو هیله څرګنده کړه.
ښاغلي سیف الله محمدي د خبرو پر مهال له آمرینو او اداري کارمندانو څخه همدارنګه غوښتنه وکړه، څو هغه ستونزې چې تېر کال یې پر چارو او فعالیتونو کې وې د روان کال په اوږدو کې دې پوره هڅه وکړي څو ورته رسېدنه وشي.
ورپسې د پوهنتون رئیس مولوي صاحب عبدالحکیم حمدي د اداري فساد او ورڅخه د ځان ساتنې په اړه ارزښتناکه وینا وکړه.
ښاغلي حمدي د اداري کارمندانو پر مسؤلیت او چارو هم مالومات د ناستې له برخوالو سره شریک کړل او هغه یې وهڅول څو ورته سپارل شوي مسؤلیتونه په ښه شان او پر خپل وخت سره ادا او ترسره کړي.
پوهنتون رئیس په چارو او فعالیتونو کې یو له بل سره همغږي هم ضروري یاده کړه او له ټولو کارمندانو څخه یې غوښتنه وکړه، څو پر هر کار یا مسؤلیت کې چې دوی یې لري ستونزه ولري، له نورو ملګرو څخه دې پکې همکاري وغواړي.
وروسته ناسته کې له ترتیب شوې اجنډا سره سم پر یو شمېر موضوعاتو بحث وشو او په اړه یې لازم تصامیم هم ونیول شول.
