د پکتیا پوهنتون محصلانو چارو معاونیت اړوند د محصلانو خدمتونو او همغږي آمریت له لوري محصلانو ته د (یو سوال او یو ځواب) تر سرلیک لاندې ځانګړې زده کړه ییزه برنامه دائره شوه.
د پکتیا پوهنتون محصلانو چارو معاونیت اړوند د محصلانو خدمتونو او همغږي آمریت له لوري محصلانو ته د (یو سوال او یو ځواب) تر سرلیک لاندې ځانګړې زده کړه ییزه برنامه دائره شوه.
چهارشنبه د ۱۴۴۶ کال شوال المکرم میاشتې په ۱۸مه، چې د ۱۴۰۴ ه ش کال حمل میاشتې له ۲۷ مې سره سمون لري، د پکتیا پوهنتون محصلانو چارو معاونیت اړوند د محصلانو خدمتونو او همغږي آمریت له لوري محصلانو ته د (یو سوال او یو ځواب) تر سرلیک لاندې ځانګړې زده کړه ییزه برنامه دائره شوه.
په جوړه شوې برنامه کې چې د پکتیا پوهنتون علمي چارو مرستیال پوهنمل عبدالله مسلم، محصلانو چارو مرستیال اصف الرحمن خپلواک، اداري برخې یو شمېر آمرینو او د بېلا بېلو پوهنځیو محصلانو برخه درلوده، پیل یې د قران کریم په څو مبارکو ایاتونو سره وشو.
لومړی د پکتیا پوهنتون علمي چارو مرستیال پوهنمل عبدالله مسلم د پروګرام او برنامې ګډونوالو ته د ښه راغلاست او هرکلي ویلو ترڅنګ محصلان د علومو زده کړې او د دیني شعایرو عملي کولو ته وهڅول.
ښاغلي مسلم همدارنګه په خپلو خبرو کې محصلانو ته په خطاب کې وویل صورت او سیرت جوړول یو اساسي څه دي، چې د اسلام او نظام دواړو غوښتنه دی او عملي کول یې هم لازمي دي.
ورپسې د پوهنتون محصلانو چارو مرستیال اصف الرحمن خپلواک د کتاب او مطالعې پر ارزښت او د جوړې شوې برنامې پر اهمیت ګډونوالو ته مالومات ورکړل.
ښاغلي خپلواک د ناستې برخوالو ته پر خپلو خبرو کې علوم د مسلمانانو میراث یاد کړ، خو د ده پر خبره ولې اوس مسلمانانو د دین دغې اساسي برخې ته چې د علوم حاصلول دي شا کړې او هغه خلک چې غیر مسلمان دي د علومو حاصلولو ته یې مټې رابډ وهلې.
ورپسې د محصلانو خدمتونو او همغږي آمریت له لوري ترتیب شوې پوښتنې له محصلانو څخه مطرح او په وروستۍ برخه کې هغو محصلانو ته ډالۍ ورکړل شوې، چې په برنامه کې یې پوښتنو ته سم ځوابونه ورکړل.
