د ۱۴۰۱ کال، تلې ۲۸ مه، پکتیا پوهنتون
د ۱۴۰۱ کال، تلې ۲۸ مه، پکتیا پوهنتون
د پکتیا پوهنتون ناستو په تالار کې د میلاد النبي په مناسبت پرتمینه جلسه ترسره شوه.
جلسه کې د پکتیا مرستیال والي مولوي انعام الله صلاح الدین، د بېلا بېلو دولتي ادارو مسؤلینو، د پوهنتون استادانو او زده کړیالانو برخه درلوده، پیل یې له معمول سره سم د قرانکریم په څو مبارکو ایاتونو وشو.
ورپسې جید عالم مفتي محمد عمر فضلي زده کړیالانو ته د نبي (ص) د صورت او سیرت په اړه مفصل معلومات ور کړل، هغه زده کړیالان له نظام څخه ملاتړ ته روبلل او په خبره یې په ډېرو سختیو سره مو دا نظام تر لاسه کړی او ورڅخه ملاتړ مو هم باید دوامدار وي.
د پکتیا مرستیال والي مولوي انعام الله صلاح الدین په خپلو خبرو کې د زده کړیالانو قربانۍ په تېرو څو کلونو کې د قدر وړ او نه هیریدونکې وبللې او هغوی یې وهڅول تر څو نبوي سنت پر خپلو ځانونو په بشپړ ډول عملي کړي.
ناسته د دعا په ویلو سره پای ته ورسېده.
نشراتو او عامه اړیکو عمومي مدیریت
