د ۱۴۰۱ کال، کب ۱۶مه، پکتیا پوهنتون

pu_admin
Wed, Mar 08 2023 9:18 AM
a

د ۱۴۰۱ کال، کب ۱۶مه، پکتیا پوهنتون
سه شنبه په پکتیا پوهنتون کې د استادانو لپاره د درې ورځني دیني او علمي سمینار پرانیسته وشوه.
مراسم د معمول سره سم د قرانکریم په څو مبارکو ایاتونو سره پیل شول، ورپسې د پوهنتون رئیس پوهنمل عبیدالله اخندزاده درنو مېلمنو او استادانو ته  ښه راغلاست وویل.
د پوهنتون رئیس د سمینار پر پرانیسته خوښي څرګنده کړه
او دا یې د لوړو زده کړو وزارت له لوري یوه خاصه برنامه یاده کړه، چې له استادانو سره به د درس او تدریس په برخه کې پوره ګټور واقعې شي.
ښاغلي اخندزاده د علم او پوهې پر ارزښت هم مفصلې خبرې وکړې، هغه د ولایتي ادارو له مسؤلینو څخه هم وغوښتل چې له دوی سره  دې د دغه لوی تحصیلي نهاد په لا پیاوړتیا کې مرسته او همکاري وکړي.
ورپسې د پکتیا پوهنتون علمي مرستیال پوهنمل سیف الرحمن روهي د سمینار پر جوړښت، ارزښت او اهمیت خبرې وکړې
همدارنګه د پکتیا امربالمعروف او نهی عن المنکر رئیس شیخ شرف الدین نقره کار د دندو او مسؤلیت په اړه وینا وکړې.
ښاغلي نقره کار مسؤلین د ولس او ټولنې خادمین یاد کړل او په خبره یې مونږ باید هیڅ کله د چا پر مخ د خپلو دفترونو دروازې ونه تړو.
هغه له استادانو څخه وغوښتل که یو میدان مو ګټلی خو بل میدان چې هغه اقتصادي پرمختګ دی، چې ګټل یې تاسو استادانو پورې اړه لري ترڅو له سختو شرایطو څخه راووځو او هیواد مو د ترقي او پرمختګ پر لور رهي شي.
ورپسې د حج او اوقافو رئیس شیخ عبدالستار سیرت د ټولنې په جوړښت کې د یوالي پر ارزښت مفصلې خبرې وکړې، هغه له استاداتو څخه هم وغوښتل چې ځوان نسل ته د یوالي، اتحاد او اتفاق فکر ورکړي.
همدارنګه د قول اردو د پېژند مسؤل مولوي فدا محمد قاصد د اسلامي نظام د  پرمختګونه او لاسته راوړنو پر موضوع مفصل مالومات له ګډونوالو سره شریک کړل.
هغه د امنیت ټینګښت، د منظم فوځ جوړېدل او په ډېرو نورو نظامي برخو کې پرمختګ د نوي حکومت لاسته راوړنې یادې کړې.
مراسم د دعوت او ارشاد امر مولوي محمد خان روحاني له لوري د دعائې پر ویلو او د بیراغ په پورته کولو سره پای ته ورسېدل.

نشراتو او عامه اړیکو عمومي مدیریت

Latest news

Sat, Jan 20 2024 1:12 PM
Background image

۱۴۴۵ هـ. ق کال، رجب المرجب، ۸ مه، پکتیا پوهنتون

۱۴۴۵ هـ. ق کال، رجب المرجب، ۸ مه، پکتیا پوهنتون
پکتیا پوهنتون کې د دیني مدارسو د عالمیې، عالیې او خامسې درجو کلنۍ ازموینه پیل شوه.
د مـــــدارسو دغه کلنۍ ازموینې چې پکتیا کې یې د پکتیا. . .

Sat, Jan 20 2024 1:05 PM
Background image

د لوړو زده کړو وزارت یوه درې کسیز هیئت د پکتیا پوهنتون اړوند انجنیري پوهنځي له لابراتوار څخه د ارزونې په موخه ليدنه وکړه.

د لوړو زده کړو وزارت یوه درې کسیز هیئت د پکتیا پوهنتون اړوند انجنیري پوهنځي له لابراتوار څخه د ارزونې په موخه ليدنه وکړه.

د لوړو زده کړو وزارت له لوري د راغلي هیئت د سفر او ارزونې موخه. . .

Sat, Jan 20 2024 1:01 PM
Background image

نوماند پوهنیار مولوي نعمت الله همت د پکتیا پوهنتون محصلانو چارو معاونیت ته د نوي مرستیال په توګه ور وپېژندل شو.

نوماند پوهنیار مولوي نعمت الله همت د پکتیا پوهنتون محصلانو چارو معاونیت ته د نوي مرستیال په توګه ور وپېژندل شو.

نن یکشنبه د پوهنتون علمي چارو مرستیال پوهنمل عبدالله مسلم له لوري نوماند. . .

BACK TO NEWS