د ۱۴۴۴ کال، محرم الحرام ۲۲مه، پکتیا پوهنتون

د ۱۴۴۴ کال، محرم الحرام ۲۲مه، پکتیا پوهنتون د اداري اصلاحاتو او ملکي خدمتونو ریاست له لوري د پکتیا پوهنتون اداري کارمندانو ته د ظرفیت لوړونې په موخه دوه ورځنی سمینار دایر او بشپړ شو. په پکتیا کې د اداري اصلاحـــاتو او ملکـــــي خدمتونو رئیس مولوي محمد صابر فاروقي په پیل کې د جوړ شوي سمینار پر ارزښت او اهمیــت مفصــلې خبــرې وکــــــړې، هغه اداري کارمـــندان هـــم وهڅــــول تر څو ولس او ټولـــــنې ته ښه خدامات عرضه کړي. هــــمدارنګه ددې سمینار ترتیب کوونکی استاد محمد هارون مـجاهد په یوه اداره کې د ښو خداماتو عرضه کول د کارمند پر ظرفیت او وړتیا پوري تړلي یادوي، د هغه پر خبره څومره چې اداري کارمند په اداري اصولو او مقرراتو پوه او اګاه وي، هغومره خلکو ته ښه خدامات عرضه کولای شي. بل خوا د سمیــنار بــرخــوال هم له دایر شوي سمینار څخه د ښو تجربو تر لاسه کـولو خبره کوي او په وینا یې ډېر څه یې له سمینار څخه زده کړي چې ورسره په اداري چارو کې پوره مرسته کولای شي. نشراتو او عامه اړیکو عمومي مدیریت