د افغانستان د اقتصادي پرمختیا ملي کنفرانس خبرتیا
د افغانستان د اقتصادي پرمختیا ملي کنفرانس خبرتیا!
لکه څرنګه چې اقتصاد د یوېشتمې پېړۍ له اساسي ضرورتونو څخه ګڼل کیږي او په نړیواله کچه هیوادونه او ملتونه غواړي له یوه غوره اقتصاد څخه چې د ژوند کولو ټولو اړتیاوو ته پر خپل وخت او زمان ځواب ووایي برخمن شي.
له بلې خوا زمونږ ګران هیواد چې له کلونو راهیسې د جنګ او جګړو شاهد و او اوس تازه چې له جګړو راوتلی خلکو او ولس یې د ارام ساه اخیستې.
د دغه جنګ ځپلي هیواد اقتصاد هم د ژوند لومړۍ شپې او ورځې سفري کوي، نو پر دې اساس پکتیا پوهنتون دا غوره وګڼله چې د هیواد په کچه ملي او اقتصادي کنفرانس په لاره واچوي، چې په ټوله کې یې موخه د هیواد اقتصادي پرمختګ ته یوه روښانه لار په ګوته کول بلل شوي.
د پکتیا پوهنتون اداره اوس د هیواد له ټولو علمي کادري غړو، متخصصینو، د فکر او قلم له خاوندانو په خورا درنښت هیله کوي چې خپلې علمي مقالې په لاندې ذکر شوي ایمیل ادرس د ۱۴۰۲ ه ش کال سنبلې( وږي) میاشتې تر (۲۰)مې نېټې پورې را واستوي.
ایمیل ادرس: national.conferences@pu.edu.af
د کنفرانس د دایرېدو نېټه: ۱۴۰۲/۷/۱۰
نشراتو او عامه اړیکو عمومي مدیریت
