د پکتیا پوهنتون علمي شورا ناسته تر سره شوه
د پکتیا پوهنتون علمي شورا ناسته تر سره شوه!
د پکتیا پوهنتون په ریاست مقام کې د علمي شورا نوبتي ناسته وشوه.
دغه ناسته د پکتیا پوهنتون د رئیس پوهنمل عبیدالله اخندزاده تر رهبري لاندې چې د پکتیا پوهنتون لپاره د لوړو زده کړو وزارت فوق العاده استازي قاضي عبدالواحد همت، مرستیالانو، پوهنځیو رئيسانو او استادانو پکې ګډون درلوده تر سره شوه.
غونډه د قرانکریم په څو مبارکو ایاتونو پيل شوه، ورسته د پکتیا پوهنتون رئیس پوهنمل عبیدالله اخندزاده د غونډې ګډونوالو ته د ښه راغلاست تر څنګ وویل ډېر امکان شته چې پوهنتونونه ژر پیل شي، چې له دې سره به د پکتیا پوهنتون دروازه هم د محصلینو پر مخ خلاصه شي، له استادانو یې وغوښتل چې پوره چمتوالی ولري او همدا شان یې د استادانو او کارمندانو پر حاضري ټینګار وکړ.
ناسته کې په بېلا بېلو موضوعاتو لکه:د استادانو پر علمي ترفیعاتو، د علمي رتبو پر تثبیت ،انفکاک، د ځینو ډيپارټمنټو د چارو پر انسجام او په اجنډا کې شاملو نورو موضوعاتو بحث وشو، او د ځینو مسایلو په اړه ورستی تصمیم هم ونیول شو.
غونډه د پوهنمل عبیدالله اخندزاده لخوا د اختتامیه دعا په ویلو سره پای ته ورسېده.
۱۴۰۰/۱۱/۵ ه ش
پکتیا پوهنتون نشراتو او عامه اړیکو مدیریت
