د ۱۴۴۶ ه ق کال، ربیع الاول ۱۲مه، پکتیا پوهنتون د لوړو زده کړو وزارت له لوري د کابل پوهنتون د رئیس دوکتور اسامه عزیزي پر مشرۍ هیئت چې د کابل طبي علومو پوهنتون استادانو یې هم ملتیا کوله د پکتیا پوهنتون اړوند تدریــــــــــــــسي روغتون له چارو څخه د څارنې ا

یکشنبه د ربیع الاول میاشتې په (۱۲)مه د لوړو زده کړو وزارت له لوري د کابل پوهنتون د رئیس دوکتور اسامه عزیزي پر مشرۍ هیئت چې د کابل طبي علومو پوهنتون استادانو یې هم ملتیا کوله د پکتیا پوهنتون اړوند تدریــــــــــــــسي روغتون له چارو څخه د څارنې او ارزونې په موخه لېدنه وکړه.

د پکتیا پوهنتون رئیس مولوي عبدالحکیم حمدي راغلي پلاوي ته د ښه راغلاست او هرکلي ویلو ترڅنګ له هغوئ څخه د زړه له تله مننه وکړه، چې د دوی د تدریسي روغتون اړوند فعالیتونه، ظرفیتونه، امکانات، ستونزې او مشکلات یې له نږدې ولیدل، څو ورته د حل لارې چارې ولټوي.

همدارنګه د پوهنتون رئیس مولوي عبدالحکیم حمدي راغلي هئیت ته د پکتیا پوهنتون او تدریسي روغتون په اړه بشپړ مالومات هم ورکړل.

ورپسې د لوړو زده کړو وزارت څخه د کابل پوهنتون د رئیس دوکتور اسامه عزیزي په مشرۍ راغلي هئیت د پوهنتون د رهبرۍ له چارو څخه په مننې ډاډ ورکړ، چې د دوئ غوښتنې به د لوړو زده کړو وزارت له رهبرۍ سره شریکې کړي، څو ستونزې يې حل او ورته پر وخت رسیده ګي شوې وي.

نشراتو او عامه پوهاوي عمومي مدیریت