د انجنیري پوهنځي پنځم نندارتون تردې شعار لاندې (زموږ اوبه زموږ ابرو ده) او د کمال خان بند په ویاړ تر سره شو
د انجنیري پوهنځي پنځم نندارتون تردې شعار لاندې (زموږ اوبه زموږ ابرو ده) او د کمال خان بند په ویاړ تر سره شو
شنبه، 1400 ل. ل د وري اوومه نېټه
د پکتیا پوهنتون، انجنيري پوهنځي برق او الکترونکس څانګو نوښتګرو محصلانو یو ځل بیا د تېر په څېر نندارتون نندارې ته وړاندې کړ.
یاد نندارتون چې د کمال خان بند د افتتاح په وياړ جوړ شوي وه، د پکتیا پوهنتون رييس ښاغلي پوهندوی دوکتور سیدولي جلالزي، علمي مرستیال پوهندوی دکتور عبدالله احمدي، د محصلانو چارو مرستیال پوهنیار نقیب الله ځاځي او د مختلفو پوهنځیو درنو استادانو او محصلانو پکې ګډون درلوده.
غونډه د قرانکریم په مبارکو آیتونو پیل شوه، وروسته ملي سرود وغږول شو، ورپسې د انجینري پوهنځي استاد ښاغلي پوهنیار نورالله انوري میلمنو ته راغلاست ووایه. ښاغلي استاد پوهنیار میرآغا معنوي د موډلونو په اړه معلومات وراندې کړل، ورپسې د پکتیا پوهنتون درانه رییس جلالزي د انجینري پوهنځي له زیارکښې رهبري او نوښتګرو محصلانو څخه مننه وکړه او ویې ويل چې د انجینري پوهنځي محصلانو دا کړنې د ستایلو دي، موږ به انشاء الله له دوي سره پوره همکاري کوو. وروسته د پکتیا پوهنتون محترم علمي معاون پوهندوی دکتور عبدالله احمدي محصلانو د هڅونې ترڅنک د لابراتوارونو او نورو بنسټیزو پروژو په اړه معلومات وړاندې کړل او ویې ویل چې انشاءالله موږ به پوره هلې ځلې کوو تر څو د پکتيا پوهنتون محصلان د منظم لابراتوار درلودونکي وې. د نندارتون د غونډې په دویمه برخه کې د سیمنارونو لړۍ پیل شوه، چې محصلانو سیمنارونه د خپلو اړوندو موډلونو په اړه وړاندې کړل. د غونډې په وروستۍ برخه کې د محصلانو چارو هڅاند معاون د محصلانو سیمنارونو او موډلونو ستاینه وکړه او ویې ویل چې موږ به انشاءالله د کلکو همکاريو پرمټ لا نور کار کوو ترڅو زموږ محصلان د پکتیا پوهنتون او انجینري پوهنځي لپاره ډېرې لاسته راوړنې ولري. نوموړي وویل زه باوري یم چې دغه نوښتګر محصلین کولای شي چې لدې نور ښه موډلونه نندارې ته وړاندې کړي. د انجینري پوهنځي استاد ښاغلي پوهنیار احسان الله منګل هم د محصلینو لاسته راوړنې وستایلې او د لاپرمختک هیله یې وکړه او په پای کې د انجینري پوهنځي د محصلینو عمومي استازي احمدالله مجروح د میلمنو، استادانو او محصلينو څخه مننه وکړه چې، زموږ سره یې ګډون کړی وو او د غونډې ترتيب کولو کې يي هلى ځلى کړې وى.
د نندارتون غونډه د دعایې په ویلو سره پای ته ورسیده.
د يوه آباد، سوليز او پر خپلو پښو ولاړ افغانستان ليدو په هيله.
اداره
