د پکتیا پوهنتون او د خاتم النبیین خصوصي پوهنتون غزني څانګې ترمنځ د همکاریو ګډ هوکړه لیک لاسلیک شو.
د پکتیا پوهنتون او د خاتم النبیین خصوصي پوهنتون غزني څانګې ترمنځ د همکاریو ګډ هوکړه لیک لاسلیک شو.
سه شنبه د ۱۴۴۶ کال، جمادي الثاني میاشتې په ۱۵مه، د پکتیا پوهنتون او د خاتم النبیین خصوصي پوهنتون غزني څانګې ترمنځ د همکاریو ګډ هوکړه لیک لاسلیک شو.
په دې مناسبت جوړه شوې ناسته کې د پکتیا پوهنتون رئیس مولوي عبدالحکیم حمدي د خاتم النبیین پوهنتون مرستیالانو او استادانو ته د ښه راغلاست ویلو ترڅنګ له یاد خصوصي پوهنتون سره د هر ډول مرستې او همکاري ډاډ ورکړ.
د همکاریو دغه ګډ هوکړه لیک چې د پکتیا پوهنتون په ریاست مقام کې د پوهنتون علمي چارو مرستیال پوهنمل عبدالله مسلم او د خاتم النبیین پوهنتون د علمي چارو مرستیال رضا کریمي ترمنځ لاسلیک شو له مخې به یې دواړه پوهنتون له یو بل سره پر علمي کنفرانسونو، علمي سمینارونو، د تجربو پر شریک کولو، ظرفیت لوړونې، محصلینو لپاره د ځانګړو برنامو او پروګرامونو پر ایجاد کې همکاري کوي.
