د پکتیا پوهنتون علمي شورا نوبتي ناسته وشوه.
د پکتیا پوهنتون علمي شورا نوبتي ناسته وشوه.
دوشنبه د ۱۴۴۷ ه ق کال د ربیع الاول میاشتې ۲۲مه، چــــــــــــــــــــــې د ۱۴۰۴ ه ش کال وږي میاشتې له (۲۴)مې نېټې سره سمون لــــــــــــــــــــــــري، د پکتیا پوهنتون علمي شورا نوبتي ناسته وشوه.
په جوړه شوې ناسته کې چې د پوهنتون رئیس مولوي صاحب عبدالحکیم حمدي د پوهنتون مرستیالانو، د پوهنځیو رئیسانو او د شورا نورو غړو برخه درلوده، پیل د دعوت او ارشاد د آمر مولوي صاحب محمد خان روحاني له لوري د قران پاک په څو مبارکو ایاتونو سره وشو.
لومړی د پوهنتون رئیس مولوي صاحب عبدالحکیم حمدي د ناستې برخوالو ته د ښه راغلاست او هرکلي ویلو ترڅنګ له ټولو برخوالو څخه مننه وکړه، چې ورسره د علمي شورا په نوبتي ناسته کې برخوال دي.
پوهنتون رئیس همدارنګه په خپلو خبرو کې د لوړو زده کړو وزارت د لسمې دورې نوبتي ناستې کې د لوړو زده کړو د قدرمن وزیر شیخ القران والحدیث مولوي ندامحمد ندیم صاحب سپارښتې د علمي شورا له برخوالو سره شریکې کړې او هیله یې څرګنده کړه، کوم موضوعات چې د دوی په مسؤلینو پورې اړه لري په اړوندو برخو کې لازمې کړنې ترسره کړي.
وروسته له ترتیب شوې اجنډا سره سم پر یو لړ موضوعاتو لکه: د یو شمېر پوهنځيو او څانګو د چارو پر ښه انسجام، د نړیوال ژورنال لپاره د نوم پر انتخاب، د استادانو د تقرر او ترفېعاتو پر دوسیو او یو شمېر نورو موضوعاتو بحث وشو او په اړه یې لازم تصامیم هم ونیول شول.
