د پکتیا پوهنتون په کوربتوب د کلمات علمي او تحقیقاتي ادارې او پکتیا پوهنې ریاست پر ګډه همغږي د امارتي او خصوصي ښوونځیو استادانو ته یو ورځنی سمینار دائر شو.
د پکتیا پوهنتون په کوربتوب د کلمات علمي او تحقیقاتي ادارې او پکتیا پوهنې ریاست پر ګډه همغږي د امارتي او خصوصي ښوونځیو استادانو ته یو ورځنی سمینار دائر شو.
دوشنبه د ۱۴۴۷ ه ق کال د جمادی الاول میاشتې ۱۲مه، چــــــــــــــــــــــې د ۱۴۰۴ ه ش کال عقرب میاشتې له ۱۲مې نېټې سره سمون لــــــــــــــــــــــــري، د پکتیا پوهنتون په کوربتوب د کلمات علمي او تحقیقاتي ادارې او پکتیا پوهنې ریاست پر ګډه همغږي د امارتي او خصوصي ښوونځیو استادانو ته یو ورځنی سمینار دائر شو.
د (قوم پالنې او په اسلامي ټولنه کې یې ناوړه اغېزې) تر عنوان لاندې د امارتي او خصوصي ښوونځيو ښوونکو ته د دغه یو ورځني سمینار د پیل پر مهال د پوهنتون رئیس مولوي صاحب عبدالحکیم حمدي د ښه راغلاست او هرکلي ویلو ترڅنګ د دغه یو ورځني سمینار له ترتیب کوونکو ادارو څخه د زړه له تله مننه وکړه، چې دا ډول عملي سمینارونه ښوونکو ته په لاره اچوي.
ښاغلي حمدي همدارنګه په خپلو خبرو کې په اسلامي ټولنه کې د تعصب ناوړه پدېدې پر زیانونو باندې هم د سمینار له برخوالو سره مالومات شریک کړل.
وروسته شیخ صاحب احمد جان اخندزاده د ( تعصب په اړه د نبي کریم صلی الله علیه وسلم پر لارښونو) او مفتي صاحب محمد عمر فضلي (ایا تعصب د اسلامي ټولنې د کمزوري سبب دی) پر موضوعاتو سمینارونه ارایه کړل.
