د ۱۴۰۰ کال، سلواغې ۴ مه، پکتیا پوهنتون
د ۱۴۰۰ کال، سلواغې ۴ مه، پکتیا پوهنتون
د پکتیا پوهنتون رئیس پوهنمل عبیدالله اخندزاده وايي، زده کړه د ټولو مسلم حق دی او د اسلامي امارت لخوا د پوهنتونونو ځنډولو څخه موخه دا وه، چې مصؤن چاپېریال برابر شي، انجوني او هلکان په ډاډه زړه خپلو زده کړو ته بغیر له کوم ډار او وېرې څخه ادامه ورکړي.
د پوهنتون رئیس هغه ګنګوسې رد کړې چې ګواکې اسلامي امارت په پوهنتونونو کې انجونو ته د زده کړې اجازه نه ورکوي او یا له دې موضوع سره فکري اختلاف لري.
نوموړي نن چهارشنبه له استادانو سره په یوه ناسته کې وویل پکتیا پوهنتون به په نږدې راتلونکي کې د سیمې په کچه یو پوهنتون واوسیږي.
د هغه په خبره د پکتیا پوهنتون له رهبري شورا سره په ګډه کار کوي او لومړیتوب یې د کادري روغتون فعالول او نیمګړو پروژو تکمیل دی، چې د لوړو زده کړو وزارت سره یې په دې اړه سلا مشورې روانې دي.
د عامه اړیکو او نشراتو لوی مدیریت
