د ۱۴۰۱ کال، لړم دریمه، پکتیا پوهنتون

pu_admin
شنبه ۱۴۰۱/۸/۷ - ۱۱:۶

د ۱۴۰۱ کال، لړم دریمه، پکتیا پوهنتون د پکتیا پوهنتون علمي شورا نوبتي ناسته ددې پوهنتون د رئیس پوهنمل عبیدالله اخندزاده تر رهبري لاندې دایره شوه. ناسته کې چې د پوهنتون مرستیالانو، پوهنځیو رئیسانو او یو شمېر استادانو برخه درلوده، پیل یې له معمول سره سم د قرانکریم په څو مبارکو ایاتونو وشو. لومړی د پکتیا پوهنتون رئیس پوهنمل عبیدالله اخندزاده ګډونوالو ته د ښه راغلاست ویلو تر څنګ له استادانو او کارمندانو څخه وغوښتل چې په خپل وخت باید خپلو دندو ته حاضر شي، هیڅکله ورته په دې برخه کې د چا سپارش مهم نه دی. ورپسې د علمي چارو مرستیال پوهنمل سیف الرحمن روهي د یو شمېر کادري بستونو په اړه چې له لوړو زده کړو وزارت څخه یې دوی غوښتنه کړې، مفصل مالومات له ګډونوالو سره شریک کړل. وروسته ناسته کې له اجنډا سره سم د ډیپارټمټونو د چارو پر انسجام ،د استادانو پر تقرر، ترفېعاتو او یو شمېر نورو مسائلو بحث وشو او د ځینو موضوعاتو په اړه وروستی تصمیم هم ونیول شو. نشراتو او عامه اړیکو عمومي مدیریت