د ۱۴۰۱ کال، کب لومړۍ، پکتیا پوهنتون
پکتیا پوهنتون کې د علمي شورا نوبتي ناسته ددې پوهنتون رئیس پوهنمل عبیدالله اخندزاده تر رهبري لاندې دائره شوه.
ناسته کې چې د پوهنتون مرستیالانو، پوهنځیو رئیسانو، بېلا بېلو څانګو امرینو او استادانو برخه درلوده، پیل یې له معمول سره سم د قرانکریم په څو مبارکو ایاتونو وشو.
لومړی د پکتیا پوهنتون رئیس پوهنمل عبیدالله اخندزاده ګډونوالو ته د ښه راغلاست ویلو تر څنګ د پوهنځیو له رئیس صاحبانو څخه وغوښتل چې د راتلونکي پسرلني سمستر پیل ته باید پوره چمتوالی ولري.
نوموړي د استادانو او کارمندانو پر خپل وخت دندو ته حاضري لازمه وګڼله او د علمي شورا له غړو څخه یې هم وغوښتل چې پر خپل وخت باید ناستو ته حاضر شي.
ورپسې د شورا منشي د تېرې ناسې پرېکړې او تصمیمونو پر تعقیب مالومات له ګډونوالو سره شریک کړل.
همدارنګه د پکتیا پوهنتون علمي مرستیال پوهنمل سیف الرحمن روهي ددې پوهنتون اړوند کمېټو پر جوړښت او د چارو پر انسجام خبرې وکړې.
وروسته ناسته کې له اجنډا سره سم د ډیپارټمنټونو د چارو پر انسجام، د استادانو پر تقرر او ترفېعاتو او یو شمېر نورو مسائلو بحث وشو او د ځینو موضوعاتو په اړه وروستی تصمیم هم ونیول شو.
ناسته د مولوي محمد خان روحاني له خوا د دعائې پر ویلو سره پای ته ورسېده.
نشراتو او عامه اړیکو عمومي مدیریت
