د ۱۴۴۴ کال، رمضان المبارک ۱۱مه، پکتیا پوهنتون
پکتیا پوهنتون کې اداري ناسته ددې پوهنتون د مالي او اداري مرستیال سیف الله محمدي تر رهبري لاندې دائره شوه.
ناسته کې چې د بېلا بېلو څانګو اداري کارمندانو برخه درلوده، پیل یې له معمول سره سم د قران پاک په څو مبارکو ایاتونو سره وشو.
ورپسې اداري مرستیال سیف الله محمدي د ناستې ګډونوالو ته د ښه راغلاست ویلو ترڅنګ هغوی ته په چارو کې د بریالیتوب هیله څرګنده کړه.
د ښاغلي محمدي په خبره هڅه کوي له دې وروسته تر خپلې وسې پورې د زده کړیالانو لپاره د بدل اعاشې په برخه کې لازمې اسنتیاوې رامنځته او پر خپل وخت ورکړل شي.
هغه په دې برخه کې له تدریسي مدیر صاحبانو څخه د بشپړې همکاري غوښتنه وکړه، تر څو ټولو چارو ته په خپل وخت رسیدګي وشي.
وروسته ناســـــته کې له اجنډا سره سم پر یو شمېر مسائلو بحث وشو او د ځینو موضوعاتو په اړه وروستی تصمیم هم ونیول شو.
نشراتو او عامه اړیکو عمومي مدیریت
