د ا. ا. ا. ، اکاډمیکو او علمي پرمختګونو ته ژمن دی
د ا. ا. ا. ، اکاډمیکو او علمي پرمختګونو ته ژمن دی، له نیکه مرغه د نوي نظام د راتګ وروسته د لومړي ځل لپاره په پکتیا پوهنتون کې د قلم علمي او څيړنیزې مجلې د۱۴۰۰ ل ل کال دوولسمه پرلپسې ګڼه په نوې بڼه له نوو او تازه موضوعاتو سره د چاپ په ګاڼه سمبال شوه، په دغه علمي او څېړنیزه مجله کې د استادانو علمي مقالې او علمې څېړنې د لوړو زده کړو وزارت د اصولو او مقرراتو سره سمې چاپیږي او خپریږي، اکاډمیک مرکزونه د یوې ټولنې د ذهنیت جوړونې او د هیواد د ابادی لپاره تر هر بل بنسټ مهم او ارزښتانکه رول لري، د ا. ا. ا. علمي چارو ته لومړيتوب ورکوي او هځه کوي په دې برخو کې له دې زیاتې لاسته راوړنې ولري، د پکتیا پوهنتون د علمي مرکز په توګه د افغانستان د خلکو په ځانګړي ډول د اکاډمیکې کورنۍ د غړو لپاره له سمتي، قومي، ژبني او نژادي مسایلو پرته ټولنې ته شفاف او یو شان اکاډمیک خدمات وړاندې کوي.
د یو آباد، هوسا، او سرلوړي افغانستان په هیله
