د پکتیا پوهنتون کرنې پوهنځي محصلينو ته د (تحقيقي پروژې او مونوګراف وړاندې کولو لارې چارې) تر سرليک لاندې یو ورځنی سمينار دائر شو.
د پکتیا پوهنتون کرنې پوهنځي محصلينو ته د (تحقيقي پروژې او مونوګراف وړاندې کولو لارې چارې) تر سرليک لاندې یو ورځنی سمينار دائر شو.
سه شنبه د ۱۴۴۷ ه ق کال محرم الحرام میاشتې ۱۹مه، چې د ۱۴۰۴ ه ش کال چنګاښ میاشتې له ۲۴مې، سره سمون لري، د پکتیا پوهنتون کرنې پوهنځي محصلينو ته د (تحقيقي پروژې او مونوګراف وړاندې کولو لارې چارې) تر سرليک لاندې یو ورځنی سمينار دائر شو.
په جوړ شوي یو ورځني سمینار کې چې د پکتیا پوهنتون کرنې پوهنځي رئیس پوهنمل دوکتور محمد داود احمدزي سربېره د پوهنځي استادانو او د څلورمو ټولګیو محصلانو برخه درلوده، پیل یې له معمول سره سم د قران پاک په څو مبارکو ایاتونو سره وشو.
لومړی د پکتیا پوهنتون کرنې پوهنځي رئیس پوهنمل دوکتور محمد داود احمدزي پرانیستونکي او د ښه راغلاست وینا وکړه.
ښاغلي احمدزي د خپلو خبرو پر مهال د جوړ شوي یو ورځني سمینار پر ارزښت او اهمیت د مالوماتو شریک کولو ترڅنګ محصلان وهڅول، څو په دې او دې ته ورته برنامو، سمینارونو او ورکشاپونو کې ورسره پوره فعاله ونډه واخلي.
وروسته د کرنې پوهنځي استاد پوهنمل محمد اسماعيل لاروي له لوري د (تحقيقي پروژې او مونوګراف وړاندې کولو لارې چارې) تر سرليک لاندې سمينار ارایه کړ، چې د موضوع اړوند پر بېلا بېلو مسائلو پکې بحث ترسره شو.
د دائر شوي سمینار په پای کې محصلانو د موضوع اړوند خپل نظریات له نورو محصلانو سره شریک او د موضوع اړوند یې پوښتنې هم مطرح کړې، چې د استاد له لوري ورته لازم ځوابونه هم وویل شول.
