د ۱۴۰۰ کال ، کب ۱۴ مه، پکتیا پوهنتون
د ۱۴۰۰ کال ، کب ۱۴ مه، پکتیا پوهنتون
د پکتیا پوهنتون محصلین د جلا ټولګیو هرکلی کوي.
فاطمه چې د پکتیا پوهنتون طب پوهنځی محصله ده وایي د پخوا په پرتله یې د زده کړو بهیر ښه شوی، ځکه چې په جلا ټولګیو کې دوی کولای شي چې په ازادانه ډول د درس اړوند پوښتنې له استادانو سره مطرح کړي.
د هغې په خبره، زده کړه د ټولو یعني نارینه او ښځینه مسلم حق دی او دا هیله لري، چې نوی حکومت او نظام به دوي ته د زده کړو لازیاتې لازمې اسنتیاوې برابرې کړي.
زینب د پکتیا پوهنتون طب پوهنځی یوه بله محصله وايي: پخوا چې په پوهنتونونو کې ګډ تعلیم دود وه، د دوی د زده کړې په اړه والدینو او کورنیو ډېر زیات تشویش درلوده، خو له کله چې ا.ا قایم شوی او د ګډ تعلیم مخه یې نیولې، اوس یې کورنۍ او خپله دوی د زده کړو په اړه هیڅ ډول تشویش او وېره نه لري.
د یادونې وړ ده چې پکتیا پوهنتون کې سلګونه نجونې په بېلا بېلو پوهنځیو کې په یوه جلا تدریسي تعمیر کې په تحصیل بوختې دي.
د نشراتو او عامه اړیکو لوی مدیریت
