د ۱۴۰۱ کال، حمل ۲۳ مه، پکـــتیا پوهــــنتون
د ۱۴۰۱ کال، حمل ۲۳ مه، پکـــتیا پوهــــنتون
د پکتـــیا پوهنتون د حقوقو او سیــــاسي علــومو پوهـنځي له دوو څانګـو څخه۱۱۷ تنه زده کړیــــــــــالان فــارغ او ټولنې ته د خدمت په موخه وړانــــدې شــــول.
ناسته له معمول سره سم د قرانکریم په څو مبارکو ایاتونو پيل شوه.
لومړی د حقوقو او سیاسي علومو پوهنځي رئیس پوهنیار عبدالمتین جلیلي د ناستې ګډونوالو ته د ښه راغلاست وینا وکړه.
ښاغلي جلیلي د پکتیا پوهنتون حقوقو او سیاسي علومو پوهنځي پر تاریخچه خبرې وکړې، هغه له پکتیاوالو څخه هم مننه وکړه، چې د پوهنتون په ساتنه او پرمختګ کې یې ورسره پوره همکاري کړې.وروسته د پکتیا پوهنتون رئیس پوهنمل عبیدالله اخندزاده په اسلامي ټولنه کې د سیاسي علومو پر ارزښت خبرې وکړې او په خبره یې په ټولنه کې ژوند له سیاست سره تړلی هغه اصلا سیاست د عدالت او رښتینولي دویم نوم یاد کړ.پوهنتون رئیس د نوی اسلامي نظام پر ارزښت، ضرورت او اړتیاوو خبرې وکړې او فارغ التحصیل زده کړیالانو څخه یې غوښتنه وکړه، چې په پوره اخلاص او صداقت دي له نوي اسلامي نظام سره کار وکړي.
نشراتو او عامه اړیکو عمومي مدیریت
