پکتیا پوهنتون کې استادانو او اداري کارمندانو ته درې ورځنی دیني، علمي او فکري سمینار پیل شو.

pu_admin
سه‌شنبه ۱۴۰۳/۱۱/۳۰ - ۱۰:۱۷
da

پکتیا پوهنتون کې استادانو او اداري کارمندانو ته درې ورځنی دیني، علمي او فکري سمینار پیل شو.

یکشنبه د ۱۴۴۶کال، شعبان میاشتې په ۱۷مه، د پکتیا پوهنتون ناستو په تالار کې استادانو او اداري کارمندانو ته درې ورځنی دیني، علمي او فکري سمینار د دعوت او ارشاد آمریت ترچتر لاندې پیل شو.

د سمینار د پیل په مراسمو کې د پکتیا پوهنتون رئیس مولوي عبدالحکیم حمدي د سمینار برخوالو استادانو او اداري کارمندانو ته ښه راغلاست ویلو ترڅنګ له ټولو څخه د زړه له تله مننه وکړه، چې ورسره یې په درې ورځني دیني، علمي او فکري سمینار کې برخه اخیستې او ورڅخه یې غوښتنه وکړه، چې د شیوخو کرامو او علماء کرامو له لوري چې کوم سمینارونه او موضوعات وړاندې کیږي، په غور دې واوري او ورڅخه دې ډېر څه تر لاسه کړي، همدارنګه محصلینو او ټولنې ته دې د دغو موضوعاتو په رسولو کې هم پوره هڅه او هاند وکړي.

ښاغلي حمدي همدارنګه دا یو غوره فرصت یاد کړ، چې په یوه بشپړ ارام چاپېریال کې د دیني موضوعاتو او مسائلو د زده کولو لپاره سره راټول شوي یو او محترم شیوخ کرام او علماء کرام راته دیني، علمي او فکري موضوعاتو تشریح کوي، مونږ او تاسو یې په غور سره اورو.

پوهنتون رئیس همدارنګه د جوړ شوي درې ورځني دیني، علمي او فکري سمینار د ارزښت ترڅنګ د علـــــــــــــــــــــــــــــــــــــم او پوهې پر ارزښت هم د سمینار له برخوالو سره پوره مالومات شریک کړل.

وروسته له ترتیب شوې اجنډا سره سم د ایمان پر تعریف او شعبو، په اسلام کې د ښځې پر مقام، حقوقو، واجباتو او په ځانګړي ډول د ښځو پر حجاب، اخلاص، زهد، تقوا او د نیت اصلاح، د نبي کریم صلی الله علیه وسلم د سنتو اتباع، اهمیت یې، همدارنګه د ږیرې اهمیت او منزلت په اسلام کې موضوعات د شیخ صاحب احمد جان اخندزاده او مفتي صاحب محمد عمر فضلي له لوري ارایه او په اړوند موضوعاتو کې د ګډونوالو پوښتنو ته لازم ځوابونه هم ورکړل شول.

تازه خبرونه

دوشنبه ۱۴۰۴/۶/۳ - ۱۴:۴۲
Background image

د پکتیا پوهنتون علمي شورا نوبتي ناسته دائره شوه.

د پکتیا پوهنتون علمي شورا نوبتي ناسته دائره شوه.

دوشنبه د ۱۴۴۷ ه ق کال د ربیع الاول میاشتې دوهمه، چــــــــــــــــــــــې د ۱۴۰۴ ه ش کال وږي میاشتې له درېیمې نېټې سره سمون لري، د. . .

یکشنبه ۱۴۰۴/۶/۲ - ۱۴:۶
Background image

د لوړو زده کړو وزارت قدرمن وزیر شیخ القران والحدیث مولوي نداء محمد ندیم صاحب په پکتیا پوهنتون کې د یو محراب مسجد پرانیسته وکړه.

د لوړو زده کړو وزارت قدرمن وزیر شیخ القران والحدیث مولوي نداء محمد ندیم صاحب په پکتیا پوهنتون کې د یو محراب مسجد پرانیسته وکړه.

شنبه د ۱۴۴۷ ه ق کال. . .

یکشنبه ۱۴۰۴/۶/۲ - ۱۴:۲
Background image

د لوړو زده کړو قدرمن وزیر شیخ القران والحدیث مولوي نداء محمد ندیم صاحب د پکتیا پوهنتون د استادانو او محصلانو پر یوې لوی غونډه کې ګډون، وینا او خبرې وکړې.

د لوړو زده کړو قدرمن وزیر شیخ القران والحدیث مولوي نداء محمد ندیم صاحب د پکتیا پوهنتون د استادانو او محصلانو پر یوې لوی غونډه کې ګډون، وینا او خبرې وکړې.

شنبه د ۱۴۴۷ ه ق کال. . .

BACK TO NEWS