د پکتیا پوهنتون مالي او اداري چارو معاونیت له لوري د اړوند آمرینو او اداري کارمندانو سره د ښې همغږي په موخه ګډه ناسته وشوه.
د پکتیا پوهنتون مالي او اداري چارو معاونیت له لوري د اړوند آمرینو او اداري کارمندانو سره د ښې همغږي په موخه ګډه ناسته وشوه.
دوشنبه د ۱۴۴۷ ه ق کال د ربیع الاول میاشتې ۸مه، چــــــــــــــــــــــې د ۱۴۰۴ ه ش کال وږي میاشتې له لسمې نېټې سره سمون لري، د پکتیا پوهنتون مالي او اداري چارو معاونیت له لوري د اړوند آمرینو او اداري کارمندانو سره د ښې همغږي په موخه ګډه ناسته وشوه.
په جوړه شوې ناسته کې چې د پکتیا پوهنتون مالي او اداري چارو مرستیال سیف الله محمدي، آمرینو او عمومي مدیرانو برخه درلوده، پیل یې د معمول سره سم د قران پاک په څو مبارکو ایاتونو سره وشو.
لومړی د پوهنتون مالي او اداري چارو مرستیال سیف الله محمدي د ښې همغږي په موخه د ناستې برخوالو ته ښه راغلاست او هرکلی وویلو او د اړوند آمریتونو او مدیریتونو چارې او فعالیتونه یې وستایل، نوموړي خوښي څرګنده کړه، چې ټولې اداري چارې یې د کارمندانو له لوري په خورا ښه شکل سره مخته راوانې دي.
ښاغلي محمدي همدارنګه په خپلو خبرو کې له اړوند آمریتونو او مدیریتونو څخه غوښتنه وکړه، څو ټول اداري مراسلات او ورسپال شوي مسؤلیتونه پر خپل وخت ادا او ترسره کړي، هغه همدارنګه د چارو د ښه پر مخ وړلو لپاره په یو شمېر شعبو کې د اړوند ډېټابیسونو جوړول او ورڅخه لازمه ګټه پورته کول خورا مهم او اړین یاد کړل.
وروسته د ښې همغږي په موخه جوړه شوې ناسته کې پر یو شمېر موضوعاتو ازاد بحث هم ترسره شو او د موضوعاتو اړوند آمریتونو او مدیریتونو ته د چارو ښه ترسره کولو په موخه لازمې سپارښتنې هم وشوې.
