د افغان ملي بانک پکتیا څانګې له پکتیا پوهنتون سره د شوي هوکړه لیک له مخې د درې پایې کاپېیر مرسته وکړه.
د افغان ملي بانک پکتیا څانګې له پکتیا پوهنتون سره د شوي هوکړه لیک له مخې د درې پایې کاپېیر مرسته وکړه.
د پوهنتون د مسؤلینو پر خبره دغه درې پایې لوی کاپېیر ماشینونه چې (٤٨٠٠٠٠) افغانۍ ارزښت لري، پکتیا پوهنتون ته وسپارل شول، چې د اداري چارو په چټکتیا کې به خورا
مهم رول ادا کړي، دوی همدارنګه له پوهنتون سره د افغان ملي بانک له همېشنۍ همکاري څخه هم مننه کوي او پر خبره یې چې افغان ملي بانک تر دې وړاندې هم له پکتیا پوهنتون سره د یو شمېر وسایلو او توکو مرسته او همکاري کړې دی.
بل خوا په ختیځ زون کې د افغان ملي بانک مسؤلین وایي، چې پوهنتون په تحصیلي برخه کې د دوی ټولو ګډ کور دی او لازمه دی، چې په هره برخه کې یې مرسته او همکاري هم وکړي.
د یادونې وړ دی، چې تازه د پکتیا پوهنتون او افغان ملي بانک ترمنځ د همکاریو یو ګډ یو کلن هوکړه لیک هم لاسلیک شو.
