د ۱۴۰۱ کال، ثور ۲۰ مه، پکتیا پوهنتون
د ۱۴۰۱ کال، ثور ۲۰ مه، پکتیا پوهنتون د پکتیا پوهنتون محصلانو چارو معاونیت ته پوهنمل محمد نعیم وصال د نوي معاون په توګه ورمعرفي شو. د پکتیا پوهنتون رئیس پوهنمل عبیدالله اخندزاده د نوموړي د معرفي په مراسمو کې د محــــــــــــصلانو چارو له پخواني مرستـــیال پوهنمل نقیب الله ځاځي څخه د زړه له تله مننه وکړه. پوهنتون رئیس د ښـــاغلي ځاځي کړنې وستایلې او هغه یې پر کار پوه او تجربه کار شخص یاد کړ، خو په خبره یې ادلون بدلون د یوې ادارې اصل دی. هغه د محـــــــــصلانو چارو نوي مرستـــــــیال ته د دندې د مــــبارکي ترڅـــــــنګ په چارو کې د بریالیتوب هیله څرګنده کړه. وروسته د پوهــــــــنتون علمي چارو مرستیال پوهنمل سیف الرحمن روهي د محـصلانو چارو لپاره نوي مرستیال پوهنمل محمد نعیم وصـــال ته په چارو کې د بریا هیله وښوده او په خبره یې مونږ ټول به په ګډه کار کوو تر څو هغه څه ته چې د پوهنتون لپاره د خلکو او ولس غوښتنه ده ورسیږو. نشراتو او عامه اړیکو عمومي مدیریت
