د پکتیا پوهنتون محصلانو چارو معاونیت اړوند د محصلانو خدمتونو او همغږي آمریت له لوري د ازادۍ د ورځې؛ درسونو، عبرتونو او مسؤلیتونو تر نامه لاندې ځانګړې برنامه دائره شوه.
د پکتیا پوهنتون محصلانو چارو معاونیت اړوند د محصلانو خدمتونو او همغږي آمریت له لوري د ازادۍ د ورځې؛ درسونو، عبرتونو او مسؤلیتونو تر نامه لاندې ځانګړې برنامه دائره شوه.
چهارشنبه د ۱۴۴۷ ه ق کال صفرالمظفــــــــــــــــــــــــــــــــر میاشتې ۲۶مه، چــــــــــــــــــــــې د ۱۴۰۴ ه ش کال زمري میاشتې له ۲۹مې، سره سمون لري، د پکتیا پوهنتون محصلانو ته پر دوو د (ازادي او اسلامي نظام د راتګ لپاره د مسلمان ملت قرباني او اهداف) د ( ازادي او اسلامي نظام په ساتنه کې د مسلمان ملت مسؤلیتونه) تر موضوعاتو لاندې سمینارونه ارایه شول.
لومړی د پکتیا پوهنتون رئیس مولوي صاحب عبدالحکیم حمدي د سمینار برخوالو ته د ښه راغلاست او هرکلي ویلو وینا وکړه.
ښاغلي حمدي ګډونوالو ته د ښه راغلاست ویلو ترڅنګ د جوړ شوي سمینار پر ارزښت او اهمیت باندې خبرې او وینا وکړه او محصلین یې وهڅول څو په دې او دې ته ورته برنامو کې ورسره فعاله ونډه واخلي.
ورپسې د افغانستان اسلامي امارت د لوړو زده کړو وزارت پخواني علمي معین دوکتور صاحب لطف الله خیرخوا د (ازادي او اسلامي نظام د راتګ لپاره د مسلمان ملت قرباني او اهداف) تر سرلیک لاندې سمینار ارایه کړ او د موضوع اړوند یې د برخوالو پوښتنو ته لازم ځوابونه هم ورکړ.
وروسته د هیواد مشهور لیکوال او ادیب استاد دادمحمد ناوک له لوري د ( ازادي او اسلامي نظام په ساتنه کې د مسلمان ملت مسؤلیتونه) تر عنوان لاندې سمینار ارایه شو.
د یادونې وړ دی، چې جوړه شوې برنامو راغلو مېلمنو، د فرهنګي کمېټې غړو استادانو او محصلانو ته د ډالیو پر وېشلو او دعائې ویلو سره پای ته ورسېده.
