د ۱۴۰۱ کال، لړم ۸ مه، پکتیا پوهنتون
د ۱۴۰۱ کال، لړم ۸ مه، پکتیا پوهنتون د پکتیا پوهنتون مرستیالانو د لوړو زده کړو وزارت له لوري په هغه جوړ شوي ویډیو کنفرانس کې برخه واخیسته چې د لوړو زده کړو وزیر شیخ ندامحمد ندیم پکې یو شمېر هدایت او لارښوونې د پوهنتونونو له مسؤلینو سره شریکې کړې. ښاغلي ندیم د پوهنتونونو له مسؤلینو څخه وغوښتل چې خپلې ستونزې او غوښتنې دې له دوی سره شریکې کړي، تر څو دوی حالاتو او امکاناتو ته په کتلو سره ورته مناسبې حل لارې ولټوي. د هغه پر خبره په پوهنتونونو کې دې زده کړیالان پوره فکري او مسلکي وروزل شي، نوموړي همدارنګه په پوهنتونونو کې شته مالي ستونزو ته په اشارې وویل هڅه به وکړي، تر څو له هرې ممکنې لارې وکولای شي په مالي برخه کې د پوهنتونونو ستونزې ور حل کړي.
نشراتو عامه اړیکو عمومي مدیریت
