د پکتیا پوهنتون نوی سرپرست رییس اړوند ادارې ته ور وپیژندل شو
د پکتیا پوهنتون نوی سرپرست رییس اړوند ادارې ته ور وپیژندل شو!
چهار شنبه د عقرب د میاشتې ۲۶ نېټه:
ښاغلی پوهنمل عبیدالله آخندزاده د پکتیا پوهنتون د سرپرست رییس په توګه د دې پوهنتون رهبري هیآت، استادانو او کارمندانو ته په پکتیا کې د لوړو زده کړو وزارت ځانګړي استازي ښاغلي قاضي عبدالواحد همت لخوا د یو لړ مراسمو په ترڅ کې ور وپیژندل شو.
غونډه کې د پکتیا پوهنتون پخواني رییس پوهندوی دوکتور سیدولي جلالزي خبرې وکړې او زیاته یې کړه چې له تیرو پنځو کلونو راهیسې پکتیا پوهنتون د کیفیت او کمیت په برخو کې د دې پوهنتون د رهبري، استادانو، اداري کارمندانو په خاصه توګه د لوړو زده کړو وزارت، د پکتیا ولایت مقام او پکتیا میشتو ولسونو په همکاري زیاتې لاسته راوړنې او پرمختګونه کړې دي او په راتلونکې کې به هم د نوي رییس سره په ټولو چارو کې همکار پاتې کیږو. ورپسې په پکتیا کې د لوړو زده کړو وزارت ځانګړې استازي قاضي عبدالواحد همت خبرې وکړې د ښاغلي دوکتور سیدولي جلالزي د خدمتونو او لاسته راوړنو څخه چې په تیرو پینځو کلونو کې یې درلودلې وې ستاینه او مننه وکړه او نوي رییس ته یې په چارو کې د بریالیتوبونو هیله وکړه.
پوهنمل عبیدالله آخندزاده د پکتیا پوهنتون نوی رییس د لوړو زده کړو وزارت له رهبري څخه مننه وکړه چې د دې دروند مسئولیت د ادا کولو اعتبار يې پرې کړی او ژمنه یې وکړه چې د ا.ا.ا له امکاناتو څخه به په ګټې اخیستنې سره او د پوهنتون د استادانو او کارمندانو او خاصتآ د جلالزي صاحب په همکاري به هڅه وکړې ترڅو ورځني چارې، نوي پرمختګونه او هغه پروژې چې چارې یې نیمګړي پاتې دي پرمخ بوځي.
غونډه د دعایې په لوستلو سره پای ته ورسیده.
