د ۱۴۰۱ کال، ثور ۲۶ مه، پکتیا پوهنتون
د ۱۴۰۱ کال، ثور ۲۶ مه، پکتیا پوهنتون
د پکتیا پوهـــــــــنتون رئیس پوهنمــل عبیدالله اخــندزاده د افغانســــتان لپاره د نړیوالو طبــي عاجلو مرستو موسسې له مسؤلې جیسټینا او راغلي پلاوي سره په خپل کاري دفتر کې وکتل.
د پکتیا پوهنتون رئیس راغلي پلاوي ته د ښه راغلاست ویلو تر څنګ ، په افغانستان کې د دوی فعالیتونه وستایل او همدا شان یې د کادري روغتـــــون اړوند ستــونزې او مـــشکلات ورسره شریک کړل.
د پکتـیا پوهنـــــتون علمــي مرستیال پوهنمل سیف الرحمن روهي هم د نړیوالو طبـــــې عاجلو مرستو له موسسې څخه مننه وکړه، چې په جـــــنوب ختیځ زون کې اولیت د پکتیا پوهنتون اړوند کادري روغتون ته ورکړی.
د افغانستــــان لپاره د نړیوالو طبي عاجلو مرستو د موسسې مسؤلې جیسټینا هم د پکتیا پوهنتون له کادري روغتون سره د بشپړې همـکاري ډاډ ورکړ او په خبره یې هڅه به وکړي، هر څـــــــومره ژر چې کیږي خپـــلې مرستــې کادري روغتون ته ورسوي.
د یادونې وړ ده، چې راغلي پلاوي د پکتیا پوهنتون له رهبري سره په ګــــډه د کادري روغتون لپاره د نوې ځـــــانګړې شوې ودانۍ څخه هم لیدنه وکړه.
نشراتو او عامه اړیکو عمومي مدیریت
